「山竹襲港」打風梗係去踩單車
山竹襲港，冇返工，當然不能浪費光陰，趁風球除下，立刻出車。今次路線係屋企 --> 青山公路（古洞段）--> 梧桐河，點解會去梧桐河？若有睇過我上年「天鴿襲港」video，記得河魚沖上岸情景嗎？（另看《「天鴿」後河魚沖上岸（圖+片）》）所以，又去睇睇有冇魚沖上岸。
至於青山公路（古洞段），從新聞知道，因為塌樹而全線封閉，因此踩一轉冇車嘅青公啦。
出發。鄰近警察訓練學校，早上派學員快速清理。
一轉入村路，立刻見風災場面。
平時去上水嘅村路行唔到，要出番單車徑。
去到北區醫院，單車徑已完全被塌樹埋沒。
轉入青公，一條行車線已封閉，行人路亦冇埋，村民走出馬路。
單線行車只行咗幾百米，見大樹欄路，而且貨櫃以為自己過到，結果動彈不得，由此處起，全線封閉。
繼續踩，一架車都冇。
青公短短一公里，有約 10 棵塌樹。（隔離係塞緊車嘅環迴公路）
唔講真係以為係行人路。
從青公轉村路去羅湖站，幾條村路都 100% 塌樹，結果經羅湖監獄先去到。
現場冇魚，但例牌水浸。
返出市區，單車徑又消失，要踩馬路回家，報告完畢。
個兩間豆腐花廠 唔知咩環境呢:L
兩間都經過，都冇開門（當日入去呢兩間鋪頭嘅主要村路都封咗，所以開門都冇用） 新增 video
zm1Gvs1AwTY
湊住小朋友加HOME OFFICE無出去轆車。
見澗水轆車，樓主返屋企又要大洗架車? 有排先修復得好! 今次打風好勁
頁:
[1]