深圳科學館—可以耗盡細路仔體力好去處
今日到深圳，主力去一間近期響女性網站吹得好行嘅飲品店，做男人唔知嘅話請問問身邊另一半。此外，我就去小米之家深圳入咗啲電器（香港小米仍然以賣電話為主）。之後，去美式連鎖超市買零食。上述三個地方之間，就係深圳科學館。
科學館類似香港科學館，但規模細得多，而且有點兒殘舊。響羅湖搭地鐵，科學館站落車，行十分鐘就到，唔駛入場費。
星期日好多細路，而館入面絕大部分展品都係要操作，仲要用好多力，例如展示質量同角動量關係嘅展品，大人都要用力先推得郁！另一組展示水力，要 pump 水、轉動設備運水上高位，等水流番落嚟呢類位能、動能、聲能轉換之類，總之要細路仔不能 pump 水托水，細路仔未必明箇中意義，但一定會耗竭體力。
第三張相係「永動機」，展品說明叫大家自己思考吓點解「永動」，但我睇過展品前中後，搵唔到摩打，大家諗到請指教！第六張相係另一個「永動機」，實際係加咗摩打。
加多兩張相：地震屋，當日可能細路仔多，只試了六級地震，雖然想試八級。 用摩打推既永動機 .............um... 第一個唔係，第二個係。（所以我唔明第一個嘅原理） 謝謝分享
頁:
[1]