馬鞍山露天礦場考察 + 尋找鐵橋
事緣響 2013 年，因為獲得官方馬礦 240ML 及 280ML 礦洞地圖，所以推算當年 240 及 280ML 位置，並到露天礦場搜索，不過當時只搵到疑似被大石封閉了的 240ML 洞口，及洞口外運輸礦石的通道痕跡。另看：馬礦 240/280 入口及露天礦場考察
之後，2016 年有會員完成繪畫 192 地圖，拼合官方 240ML 及 280ML 礦洞地圖，成功進入了封閉了 60 幾年的 240ML 礦層，並證實 280ML 已完全堵封，但根據量度，修正了 2013 年推算的 240 及 280ML 洞口位置，發現誤差只有數十米。
另看： 情人節大日子，成功開閘進入塵封 60 年的 240ML 詳細報告
此外，從「官方地圖」的 1963 年高解像航空圖清楚看到當年的 240ML 洞口，因此，確認其餘 6 個洞口位置，經 2 日的考察後，簡單總結：全部都埋於泥土下、被堵封或被炸掉。
（注：現存的 240ML 入口是通往 192 礦層的入口，並非通往 240 礦層）
不過，露天礦場還有一片小碎片未尋獲，就是一條小鐵橋。
大約 50 年代後期，露天礦場發生山泥傾瀉，把露天礦場北部的礦層摧毀，打斷了當時來往礦場及馬鞍山村的路，於是原址建了鐵橋。有人提供照片，大約十幾年前找到鐵橋，但沒有公開位置。上星期從某渠道得知位置，同時從「官方地圖」也找到山泥傾瀉現場，於是前往查探。
鐵橋的原貌，大家可 Google 一下。
「官方地圖」記錄了山泥傾瀉現場，而鐵橋位置亦在那裏。
在露天礦場爬上約 300 米，就是當年的礦層。當時，一些礦層會築有石壆，所以找到石壆，即是高度對應了。
沿礦層行，會見到小規模的塌方痕跡，石壆被沖下山了。
幾十米外，找到鐵橋橋躉。
橋躉再向前，就是當年山泥傾瀉位置，經過 70 年，地勢仍然險峻！留意，一對鐵軌從橋躉伸出 -- 當然，這是不折不扣礦場用的路軌，不會是沙頭角鐵路使用的那種（而且位置相距十幾公里）...... 唔明講緊乜，請看：馬鞍山深山大鐵板 -- 發現鐵路路軌 -- 發掘及報告
鐵軌 size 及形狀與礦場使用的完全一致。
從橋躉望向對面，今天，鐵橋已完全倒塌。
鐵橋以 L 形鐵枝鑄成，
爬到對岸橋躉，這邊保存得較好，可以看到鐵橋與橋躉接駁位。
之後繼續沿礦層行，大約行幾百米後，礦層被山泥淹沒，亦找不到當年接駁馬鞍山村的山徑。
然後，在露天礦場走走，到東南面幾個洞口位置，如之前所述，洞口已長埋黃土下，只找到幾截礦場路軌，及下面兩個物件：
BM?O 石柱。
接近 280ML 洞口一處垂直人工泥石牆頂部，有金屬物品，露出地面 size 約 1m x 0.5m。
以上兩物件是甚麼？大家知道嗎？
師兄, 有無多的馬鞍山的大環景相分享.
以前95年做義工, 運送石油氣, 火水, 日用品之類. 久唔久都會去.
而家唔知個頭變成點了
大環境就冇乜變化，多咗個探知館，閒日行山人士非常多，假期揸車一定冇位泊。 蛋哥，之前誤以為係大鐵板嗰條鐵軌，有無可能因為山泥傾瀉將橋躉嗰條鐵軌沖左落去？(因為唔知位置，所以靠估) kadesh 發表於 7-3-2017 02:52 AM
蛋哥，之前誤以為係大鐵板嗰條鐵軌，有無可能因為山泥傾瀉將橋躉嗰條鐵軌沖左落去？(因為唔知位置，所以靠 ...
第一，鐵橋同「大鐵板 / 鐵軌」位置完全不同，彼此相距幾公里，而「大鐵板 / 鐵軌」並不在礦場範圍。
第二，「大鐵板 / 鐵軌」都幾肯定係九鐵窄軌轉闊軌時拆出嚟的路軌。當時部分窄軌用響沙頭角支線，所以亦有可能係沙頭角支線收皮後再拆出嚟，你可睇番「大鐵板 / 鐵軌」內容，有會員都響大埔發現相同路軌，並保存至今。
第三，礦場用嘅路軌，及窄軌 / 沙頭角支線路軌我都有 size，兩種路軌大細及形狀都相差好遠，如果你見過實物，一定分得出。
蛋哥, 可否提供路線圖, 鐵橋位置難找嗎? 野孩子 發表於 24-3-2017 10:20 AM
蛋哥, 可否提供路線圖, 鐵橋位置難找嗎?
位置唔難搵。你響 240ML 出面拍戲果處大空地向北行，行十幾米就到山邊，搵個容易位置爬上山（冇路的），上幾十米就會發現平台，至於鐵橋響左定右就視乎你響邊個位爬上去。若你響拍戲大空地正北上，鐵橋響你左邊。
總之記得，冇路上、冇路落，斜度超過 45 度，一定要量力而為，否則又麻煩到消防員。
egg_studio 發表於 24-3-2017 11:02 AM
位置唔難搵。你響 240ML 出面拍戲果處大空地向北行，行十幾米就到山邊，搵個容易位置爬上山（冇路的）， ...
多謝蛋哥詳盡資料，會量力而為，希望找得到。
我上星期六去咗一次，專登試多次：從 240ml向正北，走過拍戲空地，爬上去（冇路、好斜），上幾十米就見石欄河及平台，向左（西）行幾十米就到鐵橋。 鐵軌會否係採礦車條軌道吧嗎 是，礦車用的。 對鐵橋歷史有少少 update，請看《馬鞍山村遺址探遊 + 馬礦新資料》 好詳細 :D 估唔到隔咁耐又有新發現
頁:
[1]