又闖南昆山（圖文遊記）
之前在我網站寫了南昆山三條越野路線，另看：南昆山進發！3 條穿梭山野越野路線
日前又闖其中兩條，分別是「二坑 — 大水管 — 三坑水力發電站」及「二坑 — 石河奇觀（盧仙風景區） —川龍峽漂流 — 麻埔」，因時間關係，未能玩埋最險峻的「萬馬坪 — 大水管 — 梅州水庫」路線。
在二坑出發，轉入俗稱「七分鐘」的 306 鄉道，至於點解叫「七分鐘」？會不會是七分鐘踩完？隊中大部分都響七分鐘內輕鬆完成，所以估計應該不是以完成時間命名，否則應該叫 6 分鐘或 5 分鐘。
之後去南昆山景點石河奇觀。大家可從地圖睇到南昆山各景點。
去到川龍峽漂流，充滿荒廢味。
川龍峽漂流係鬼影都冇嘅景點。
川龍峽漂流。
途中見工人修葺河道，而漂流入口一段馬路亦重鋪，可能為漂流重新開放而準備。
今次冇去穿地龍，所以話咁快就要度河。
例牌景點 -- 川龍峽水電站。
過咗麻埔水電站，入村後收車。
第二日，又係從二坑出發，落斜至鶴坑河上游，係一個小水壩。
之後約兩公里，水管陪伴在側，一直去到水電站。
水電站後係另一個冇乜水嘅水庫，直情響水庫底經過。
之前冇專登踩上山，唔知道冇乜水嘅水庫上游原來又有水壩，而且風景幾靚。
繼續落山，見到幾個清澈見底嘅小水潭。
之後係寬闊下山路，直達三坑水電站。
山腳有間好多人嘅山卡啦餐館，見老細燒雞，同佢傾咗陣，傾傾下就索性 order 幾隻燒雞，坐低慢慢食 -- 燒雞係走地雞，餐館後欄飼養，劏咗後要醃 15 分鐘，燒 30 分鐘，所以為咗食燒雞，最後唔夠時間踩第三條路。
我當然有監督住老細整個劏雞、醃雞至燒雞過程。燒雞有乜秘方？老細話，新鮮雞只需要用花生油、鹽及麥芽糖醃就足夠。
搞成 45 分鐘，終於有得食。
頁:
[1]