馬鞍山神秘地洞及大鐵板
又係經會員報料，話說很多年前會員在馬鞍山（並非礦場附近）發現一塊大鐵板，鐵板下有空洞，於是趁今日假期，一家大細連久未復出嘅版主一齊去探索。該處位置距離地底礦場及露天礦場數公里，經對照手頭上 280、240、192 等地圖，加上海拔高度，幾乎可肯定與礦洞無關。鐵板位於一個人工開鑿、約 4 米直徑的垂直洞穴內。從地面爬入洞穴，洞穴深約 4-5 米，底部平坦。方圓數公里外有幾個試掘礦洞，但對照位置、海拔高度、礦場地圖及文獻後，先排除是礦洞。
鐵板稍為靠邊。鐵板為約 1.5 x 1.5 米，厚約 5cm。
報料會員提供之照片為多年前拍攝，照片可清楚看見大鐵板（未經該會員同意，未能公開照片）。今日所見，大鐵板上已積了厚泥，但踏在鐵板上，仍可清晰聽到回音，顯示下方有空間。
暫時問過好多人，無人知道該洞穴及鐵板用途？
示意圖
從洞穴底部向上望。
大鐵板積泥，但仍可看見鐵板輪廓。（照片可能睇唔清，但現場一眼就睇到鐵板）
從另一角度，清楚見鐵板。
鐵板邊緣，前方的植物依付在鐵板上，依賴鐵板上厚泥支撐根部（已挖開確認，根部沒有貫穿鐵板）；後方植物從鐵板邊緣長出，應該有部分長於鐵板下。
鐵板邊緣 -- 照片上看，大約厚 3cm，但經挖開後，實際是約 5cm。（可看 video）
鐵板邊緣已生銹。
詳細可看 video。
TVwbd01z8N0
kadesh 發表於 20-1-2017 11:54 PM
期待更新！
放心，一定有更新的！（就算揭開乜都冇都會有報告）
昨日已去揭鐵板，當然有發現！
不過，結果超出想像，我直情要問專家，要等專家回覆，所以會稍後先寫報告，總之，之前有人估過嘅嘢，例如：
[*]乜都冇
[*]地洞
[*]礦洞
[*]墳墓
[*]寶藏
[*]機器底座
全部都唔中，總之有發現，請大家留意。
同日去埋馬礦 240，有興趣請睇另 post ~~~
egg_studio 發表於 6-1-2017 12:26 AM
大鐵板唔係響馬礦果頭㗎~~~
知道呀，我有留心聽書架，距離好遠，應該同馬礦無關嘛
不過小弟覺得有關的，因為在露天採礦改為坑道採礦期間，日本的技術員有在附近四周圍勘探，從而知道礦體大概位置，再向正確的方向炸坑回採，所以我都好想睇睇自己有無估錯 生鏽的鐵板像是帶著神秘
可能寶藏可能白骨 大發現來架喎!!!
有新消息的話記得話我地知啊! 應該去好嘅方面諗，例如裏面有寶藏。 2吋厚， 難以想像… 男人最愛洞 鐵板下一定收藏了一些東西....
要拉起它都要帶頗多工具 :L wongdavid 發表於 4-1-2017 09:24 AM
鐵板下一定收藏了一些東西....
要拉起它都要帶頗多工具
我都諗緊呢個問題
係咪要帶個積車既積?
我地組織工程隊伍中，搵一日去揭鐵板。 egg_studio 發表於 5-1-2017 12:48 AM
我地組織工程隊伍中，搵一日去揭鐵板。
需要幫手嗎？很想見證這一刻 :)
好，約好時間pm你，不過有心理準備，可能揭起乜都冇。 我1月15日約左一位馬礦老手去探馬礦，睇下你會唔會同一日去，等我都見證到呢一刻啦 =] 15/1 有單車活動，同埋我地一般閒日/晚先會玩馬礦……萬事小心，記得出發前將路線講俾知頭知路嘅人知，以策安全。 egg_studio 發表於 5-1-2017 10:17 AM
好，約好時間pm你，不過有心理準備，可能揭起乜都冇。
熱切期待 :D
唔知會唔會揭起會發現有副骨呢 :P 用鐵板冚蓋嘅墓地響國內就知道有，但香港未聽聞過…… kaiboy123 發表於 5-1-2017 02:20 PM
我1月15日約左一位馬礦老手去探馬礦，睇下你會唔會同一日去，等我都見證到呢一刻啦 =] ...
大鐵板唔係響馬礦果頭㗎~~~
egg_studio 發表於 5-1-2017 03:15 PM
15/1 有單車活動，同埋我地一般閒日/晚先會玩馬礦……萬事小心，記得出發前將路線講俾知頭知路嘅人知，以策 ...
原來你地鐘意平日去... 無緣相見了
Btw, 放心，我做足安全措施的，另外有將路線同預計出入洞的時間講俾前輩聽，唔駛擔心
頁:
[1]
2