大坳門英軍海防測距站、日軍戰壕及地洞
以前讀小學時，學校旅行會去「大澳門」，幾十年後，「大澳門」改名為「大坳門」，響附近一處山頭，有一個英軍海防測距站，而測距站後方有一地洞。網上有人說是英軍防空洞，有說是日軍地道，總之眾說紛紜，另外有探險版會員報告，有會員的朋友前排去過，咁就趁天朗氣清，輕鬆走一轉！有幸大笪地領導揸車，一車去到「大澳門/大坳門」停車場，泊車後睇睇郊野公園地圖，地圖上標示為「頹垣」，正是目的地，並有小徑前往。走入絲帶小徑，到海防測距站一段一公里以下小徑不算難走，很快到達目的地。
小徑上滿布山橙，有細路仔拳頭咁大。
小徑應該有一排冇人行，所以路胚仍在，但小徑已被比人高嘅野草掩蓋。
海防測距站前有一紅磚建築，響郊野公園地圖及大笪地「官方地圖」都冇標示。比較同時期同類建築，應該係倉庫用途。
從紅磚建築行多幾米，就見目的地「海防測距站」。
海防測距站樓高兩層，內部已倒塌，未見樓梯痕跡，從照片顯示的上層門口，估計樓梯建於室外。
測距站已損壞，未能從建築物上得到任何資料。
建築物工字鐵橫樑。
建築物四面有迷彩，但向海三面非常淡薄，而面向山坡一面大概較少被陽光和雨水侵蝕，還能清楚看見迷彩圖案。
建築物前方有排水渠，排水渠從照片右方水平伸延至約 10 米，然後轉下，讓雨水流下山坡。
排水渠至此處轉下。與建築物約 10 米距離，估計以前建有石屎路，但已被自然吞噬。
測距站風景優美，對軍事嘢冇興趣，齋睇風景也不錯。
小徑路過 2 個石屎基座，用途不明。
另一個基座中間已破損，可見內部有鐵枝結構。
建築物後方有地洞，深約 10 米。
從地洞高度、挖掘方式及內部結構，與大帽山（約 20 個類似地洞）、南丫島九曲地道同出一轍，相信是日軍地洞，並非網上流傳的英軍防空洞（本港及英國的英式防空洞在本版有詳盡紀錄，請爬舊文（部分有閱讀權限））。
可參考：
大帽山發現疑似二戰戰壕群
南丫島日軍地道 (A 洞及 B 洞) 考察紀錄 + 第一視點 video
既然認為是日軍地洞，從大帽山的 20 個類似地洞經驗，可推算附近應有戰壕，不過網上完全沒有人記載 / 發現，所以戰壕位置必定不在小徑附近。
有幸，當時聽到野豬叫，因此，先尋找獸徑，然後沿獸徑深入密林，在日軍地洞上方約 50 米找到 2 組戰壕。一組只有數米長，另一組有約 10 米，盡頭呈 2x2 米方形。這裏有另一個地洞，但入口部分倒塌，不知是獸穴還是戰壕的結構。
第一條較短戰壕。
爬入第一條戰壕。
第一條戰壕壕牆。
第二條較長戰壕，末端 2 x 2 米方形空間。
2 x 2 米方形空間內洞穴。
洞穴內部。
然後在戰壕附近，找到野獸抓撥痕跡，深入一點，發現一獸巢，估計是野豬巢。
看完戰壕，沿小徑走上餓死雞山頂，接回龍蝦灣郊遊徑，攞車走人！
年中去過， 但無睇得咁詳細。 當天只是行山形式， 未有深究。 果個位睇日出應該好正 Homan 發表於 29-12-2016 04:47 PM
果個位睇日出應該好正
我嗰日去係雲海… ShingWong@G 發表於 29-12-2016 04:25 PM
年中去過， 但無睇得咁詳細。
戰壕位置好隱蔽，如果唔係野豬帶領，應該冇可能發現。不過，我地入去時已踩平部分草木，若你呢排去，趁草未生番，應該好易搵到我指嘅「獸徑」。
多謝分享！！ Fortress Observation Post 只能說:「有車真好」
想去邊就去邊... 搭的士都去得到的 kaiboy123 發表於 2-1-2017 01:43 AM
只能說:「有車真好」
想去邊就去邊...
我都係搭巴士去， 哩度算方便。 師兄提到有野豬，怕唔怕如果撞到佢會比佢攻擊之類？ kaiboy123 發表於 2-1-2017 01:43 AM
只能說:「有車真好」
想去邊就去邊...
你都可以有.... 單車的！ :P
kadesh 發表於 23-1-2017 05:23 PM
師兄提到有野豬，怕唔怕如果撞到佢會比佢攻擊之類？
野豬響香港通山都有，怕野豬的話邊度都唔駛去。
:lol:lol:lol 建築物後的防空洞有出口嗎？
頁:
[1]