田夫仔北越野單車徑＋環塘
本帖最後由 GroupWebike(@G 於 17-11-2016 01:08 AM 編輯今日又係踩單車既好日子，由於要清大假，所以一於每星期三休一休「閒日」踩車，某D地方人都少D！
今日又黎大棠
黎到「吉慶橋」已經見到搭晒架步
同場加映2張「無線電支援」既義工，上星期既場地考察
仲見到pccw「抹」緊急電話，應該因為星期5既活動（後面仲有見魚記師傅油靚晒d木櫈，不過冇影到）
中途遇到2個車友，一齊曬車
傾幾句原來要去「元朗仔」。
其實由於每次「單拖」既關係，所以一直都唔敢去，今次有人要去，一於死跟！
於是一行三人就一齊上田夫仔
去到荃錦段，車友架車有問題所以改行清快塘，而我又繼續「單拖」上去
黎到俗稱既「峰火台」正諗緊「單拖」入唔入「元朗仔」
但阿車友臨走前多次話「好簡單」、「冇乜野」
最後都係入去試走一轉
當中一半髮夾彎過唔到
400－500mm高左右既dup位只有一個平跳完成，其他都唔敢落！
亂石陣亦無從入手
相信係例牌既影相位
到呢個休息點鬆一鬆雙手再繼續
原本想同有經驗既師兄行一次先，
但今日終於自己行過一次！下次可以再黎
沿路返去「吉慶橋」
行完「元朗仔」見仲有貨，決定環塘一圈
可能因為行完「元朗仔」，所以比之前「敢去」咗
好快就到左呢個位，之前次次都唔記得影相
見呢個高危位已經「加建」
另一面亦一樣
仲加埋鐵線
可能因為本身都唔好行，依家仲難行，所以呢2－3星期都唔見有人由呢度出黎！
而我當然抬樓梯！
記得早幾日響「掃管忽出口」附近出現金山既馬騮女！
可能係爭唔到食所以由金山黎到大欖！
返黎今日，唔見馬騮，但今日天氣風和日麗
沿途景色心擴神怡
行完XC路段順便落大欖監獄買野飲！
真係好方便！
再經大灞返「吉慶橋」
左邊係大欖水塘
右邊係女子監獄
經紅葉出黎大棠
踩到出去岩岩夠皮！收工去食T！
一諗起依家要抬車上落樓梯真係唔想去環塘了…… egg_studio 發表於 17-11-2016 12:35 PM
一諗起依家要抬車上落樓梯真係唔想去環塘了……
由第一環塘到現在，我只是抬過一次上這樓梯，完全無印象了，只是因為當時比賽必需要抬此路。
之後環塘比賽都唔駛抬樓梯了，直至幾年前長春社環塘比賽先要抬番。 第一次環塘，車友同我講制唔過，所以抬樓梯！由3x磅硬架抬到1x磅，所以習以為常，原來大家都冇抬開
頁:
[1]