從上水往牛潭尾濾水廠及花海 -- MTB 村路遊（多圖）（下集）
今日炎熱天氣警告，適逢夏至，日照最長 -- 又熱又長，當然係做戶外劇烈運動嘅好日子。上集：從上水往花海 -- MTB 村路遊（多圖）（上集）
上集講到，踩到去牛潭尾村，想取村路去濾水廠門口（濾水廠係一定唔俾入（除開放日外）），然後由濾水廠前嘅清攸路走人。當去到牛潭尾「六角形路」後，不幸電話冇電，所以今日補番……「下集」。
出牛潭尾軍營，轉入牛潭尾村。停一停魚塘影張相。遠處山坡上興建中嘅建築物係高鐵（牛潭尾至大江埔隧道），等陣我會經過工地門口。
住城市大嘅人，知唔知蔬菜合作社用嚟做乜呢？
駁番上集嘅六角形路：六角形路嘅盡頭係不規則樓梯，通去大水渠。相中可見，右邊有欄，但欄嘅闊度係足夠一個人穿過（我身形都屬標準），至於單車，拆頭轆扭轉 handle bar 90 度，就可以入埋去（我架 XC 29ER 單車得，你架就唔知~~）
若果唔得，仲有一個辦法，**** Hidden Message *****
大約上 10 米樓梯，就駁到清攸路。
從清攸路回望，「政府大樓」十分隱蔽，加上有保護色，正常人係睇唔到。
咁……就去到牛潭尾濾水廠門口。
沿清攸路上山，先經過配水庫 -- 響炎熱天氣警告 + 夏至下踩上山，感覺就同冬天游冬泳一樣。
配水庫之後，係第一張相見到嘅高鐵工地。
以前響呢度有村路通入牛潭尾，但有工地後，幾條村路都冇咗。
響臨進入牛潭尾村前，轉入橫平山。從呢度經村路可直出錦繡迴旋處。
下集到呢度為止。從錦繡迴旋處至逢吉鄉路口係冇村路可走，所以，繼續去花海的話，請睇番：
從上水往花海 -- road bike 村路遊（多圖） 及
隱世花海
睇完都要從新考慮去唔去，如果要去，怕且著返甲先... 蔬菜合作社
我外父做農夫的，所以大概都知道是甚麼用途，不過現在都荒廢了。現在只會送到一號橋對出菜市場，或由菜販直接取貨走。 我都係普通單車衫… 粉嶺上水一帶有幾個營運中，當中好多有負責有機農場嘅產品。
頁:
[1]