從上水往花海 -- MTB 村路遊（多圖）（上集）
上星期介紹過 road bike 踩得嘅村路，從上水往花海。另見：從上水往花海 -- road bike 村路遊（多圖） 及 隱世花海
今次用 MTB，同一起點，同一終點，搵啲飛沙走石嘅路線。
起點一樣係丙崗，不過先穿過清河邨，然後響清河邨後面嘅雞嶺村出發！
唔講大家應該唔知，雞嶺村牌扁附近一間丁屋，係本港某位女歌手屋企，不過佢婚後就搬走，依家係佢父母住緊。
出發不久，就係沙路。
認住「丙崗公廁」-- 前面駁番上星期介紹嘅丙崗村路。呢附近啲村路又係四通八達，但主要通往實驗農場。
話明用 MTB，當然揀沙泥路走。（左路 road bike；右路 MTB）
入咗一個好細嘅「荒山野嶺」。
大約行一兩分鐘，又見番荒廢田地。
之後係一小段石仔路。呢一帶兩邊都被收購，可能不久將來會發展，所以有得玩就去多幾次。
石仔路又駁番實驗農場。出粉錦後，唔好過馬路，因為要食飯。上星期講過，好多人只識去「算出名、少少貴、一啲都唔好食」嘅餐廳，但前啲有間好食好多，大家不妨沿粉錦公路踩遠一個街口。
食完飯，繼續踩粉錦，半個街口後，又入村路。
一間環境優美嘅河畔小屋。
又有鐵橋玩！呢條鐵橋高好多，但兩邊有欄，橋面亦闊好多。
欣賞吓河光山色。
之後搵路牌 -- 對，目的地係「龍潭觀音古廟」。
經過一個棕櫚樹林 -- 好多人以為呢啲係椰樹，我都想，因為有椰子水飲，但不幸係，你響香港見得到，九成係棕櫚。
到達！龍潭觀音古廟隔離係 MX Club，有汽水、米線，仲有鐵血戰士睇！（另見：牛潭尾行山記）
響龍潭觀音古廟或 MX Club，一條九成踩 MTB 人都識嘅 XC 路。沿路快車直出 -- 要快，但要小心對頭車！
蕉徑風光。
話咁快又去到長瀝小巴站。若跟馬路，會出番粉錦；我地繼續走 XC 路。
XC 路大約兩三公里，會駁番麒麟村。從麒麟村起，同上次路線一樣。
直至去到麒麟村嘅排洪渠，可以唔入「荒廢的路」，改行前一個街口嘅「未荒廢的路」。「未荒廢的路」同樣通往新田軍營。到達新田軍營前，想玩鐵橋，所以轉入鐵橋。
鐵橋留影。
補一張 -- 鐵橋後，係好隱蔽嘅村路。
出軍營後，就係「消失的路」-- 今日經過，仍然未消失。
過埋牛潭尾軍營後，轉入牛潭尾村。因為有會員問，點去牛潭尾濾水廠 -- 當然唔係跟 Google Map 上果條馬路啦。
去到牛潭尾「東區」，有一條入口好隱蔽，但入到去就開揚曬嘅 XC 路。
大路變小路，認住呢啲六角形啦！據村民透露，部分濾水廠員工自行建造呢條路，因為出村快好多！
咁……之後呢？請等下集，因為去到呢度，手機冇電。要搵日踩多次再繼續！
如果真係好心急想知點行：六角形去到尾，會落水渠 -- MTB 是可以落水的 -- 逆流踩（踩到的）十幾米，上番岸，沿水渠就會去到濾水廠門口。（當然，濾水廠係唔入得，除開放日外。） 本帖最後由 DominicNg@G 於 15-6-2016 11:29 PM 編輯
[*]部份路線都走過，不過全部相反方向，可能因為出返大路易找些。期待下集:$
咁你行過水渠往牛潭尾濾水廠未？因為我都想搵另一條唔駛落水嘅路。 我未去過濾水廠，不過相信工人唔會澗水行，一定有其他路。 呢條隱世路好正
網上找到，由濾水廠走捷徑往牛潭尾村，應該就是頂部粉紅色的路線。 粉紅色路正正係踩水渠囉！同埋，水渠前一段係私人魚塘，我前幾日去已經唔通，呢個地圖應該唔 update。
對於濾水廠工人，佢地過河（水渠）後，就由小閘門入濾水廠返工，但我地只可繼續踩 / 行水渠去正門，然後拍照留念後走人。
地圖是三年前行山人士網上提供，唔怪得近年無人再提這條捷徑。但反而找到一年前有行山人士從雞公嶺行落山，入左濾水廠，再從正門離開。 假如你扮中暑，然後走到濾水廠求救，就會發生你話嘅事，但我要搵條「正路」，否則要響探險版開 post 了。 egg_studio 發表於 16-6-2016 10:17 PM
粉紅色路正正係踩水渠囉！同埋，水渠前一段係私人魚塘，我前幾日去已經唔通，呢個地圖應該唔 update。
對 ...
14年我曾試過係魚塘可以去到濾水廠側門閘口仔....閘無鎖入到去係閘口只係拍幾張相
地圖好正... !
牛潭尾D村路真係搵死人, 以為入左結界
頁:
[1]