九龍城寨「三不管地帶」 清拆前一遊！
有朋友講起九龍城寨，先記起原來我冇 post 過當年入寨遊玩嘅相 ~~~ 咁立刻 scan ！雖然唔多，但都分享分享！我係響 1992 入，即係清拆前一年唔夠。當時入面居民已經搬得七七八八，因此大部分大廈都可以上去，其中兩張相響天台影 -- 咁啱得咁橋，我 scan 完相，之後上網搵吓城寨資料，發現清拆前有外國攝影師同樣走上天台影細路仔，而其中一個同我影果個係同一人！（大概因為當時應該搬剩幾戶人？）
從東正道拍攝城寨外圍 -- 相中可見，居民已搬得七七八八。
從天台向下望，是城寨唯一的大天井。中間偏左、兩層高嘅係「老人中心」；同「老人中心」呈 90 度、紅啡色屋頂係「青年中心」。
當時年紀細，諗住入去玩，冇記錄低呢條係乜嘢街，更加唔似依家咁畫埋地圖。當年應該係由呢度上天台。
響某條後巷，搵到呢碌大炮。當年大家唔識寶 + 三不管，所以大炮當垃圾放響後巷。依家大炮響城寨公園裏，得閒去探吓佢。
多垃圾係城寨特色。
部分冷巷直情被垃圾封住。
終於走到第二張相嘅「大天井」，重見光明。
到此一遊相 -- 係中學時代嘅我，着嘅係風魔全球嘅石磨藍。
老人院外牆。
天台細路仔。
如果相中係你，歡迎聯絡我，我都好想聽吓你講城寨嘅童年生活。
qeiihill 發表於 28-4-2017 01:49 AM
果時臨折前有隊日本人走入去詳細影相留紀錄, 而家日本有個九龍寨城 主題公園: 日本川崎市主題遊樂場 ...
我係響 1992 入，即係清拆前一年唔夠。當時入面居民已經搬得七七八八，因此大部分大廈都可以上去，其中兩張相響天台影 -- 咁啱得咁橋，我 scan 完相，之後上網搵吓城寨資料，發現清拆前有外國攝影師同樣走上天台影細路仔，而其中一個同我影果個係同一人！（大概因為當時應該搬剩幾戶人？）
行過九龍城，就入去公園行吓，同預期一樣，日本人多過本地人，從漫畫攻殼機動隊開始，然後九龍風水傳、金田一電影版、又返番去荷里活攻殼機動隊，日本人太鍾意城寨了。
對比城寨清拆後，我菲林相入面嘅大炮應該係門口其中一碌。
而天台幾位小朋友真係去到邊都見到佢地……（展館圖片）
靚相....我未入過城寨裡面,最記得系響隔離球場一路踢波一路睇拆樓.
當時拆樓系有部大吊雞吊起一個大鐵球之後Fing埋層樓中層位置,上面就會lum落黎.... 珍貴相片
我小學讀對面
有同學係住城寨
所以有入過去玩
不過印像唔深 我都有入過，最記得大炮同會"啤"著你貓咁大既老鼠 你有冇相？ egg44 發表於 14-6-2016 01:16 AM
珍貴相片
珍貴相片x2
好想自己去過 細個唔敢入, 大個無得再入, 已拆。 超珍貴相片 正正正 十個正 正到爆！ 正到爆！正到爆！正到爆！ 珍貴相片x3 細個唔識入，大個無得入.....可惜.....(已拆) 好多嘢都係蘇州過後、… 未曾入過去, 可惜可惜! https://www.photomarket.hk/data/attachment/forum/201606/14/000543fs98s8bsnn9xfd6d.jpg.thumb.jpg
之後嘗試響模型上用相同角度拍攝老人中心及青年中心。 果時臨折前有隊日本人走入去詳細影相留紀錄, 而家日本有個九龍寨城 主題公園: 日本川崎市主題遊樂場
頁:
[1]
2