從上水往花海 -- road bike 村路遊（多圖）
大半年前，介紹咗元朗區一處花海，之後有會員 share 去其他攝影 forum，後來搞到各大傳媒報導。花開兩季，又到春夏開花季節，加上炎熱天氣警告，又係踩單車好時間！（另看廢置豬欄大池塘開花）從上水出發，經村路往花海。
呢段路部分之前有介紹；由於村路四通八達，今次路線稍有不同，但同一次介紹一樣，係適合踩 road bike。（另看：Road bike 遊村路（多圖））
起點係地標丙崗村。
大片荒廢田野。
上年響探險版有啲人氣嘅「荒廢豬欄」-- 上次「開始動工」，今日「已經完工」 。
上一條一般斜嘅斜路，往實驗農場。
又係同一句：香港最危險地方之一：實驗農場。
之後橫過粉錦，經過「算出名、唔貴、但一啲都唔好食」嘅餐廳，繼續入村路。（題外話：響果頭想搵好食啲，又差唔多價錢，就行前啲去附近條村，有間乜乜酒樓。）
呢度有分岔路，左邊去 MX Club，踩 MT bike 就靠左；road bike 就最好靠右。
之後會見到香港周圍都有嘅獅子亭。又有分岔，兩條路都得。左邊仲有一條小田溪路可通返去 MX Club。
呢幾個分岔好考人 -- 如果你睇過一本從我中學睇到大學畢業都未畫完嘅日本漫畫《龍狼傳》，早期有一段講「八陣圖」-- 呢一帶村路，咁啱同漫畫入面嘅八陣圖幾乎一樣！
穿過八陣圖後，係著名嘅「溫馨」村路……點解著名？因為前一排響一本本地單車雜誌有介紹過，而且當中內容同我寫嘅有 80% 相似，又係傳媒朋友響大笪地攞料，不過果次直頭係搬字過紙！
之前介紹過嘅「溫馨」村路。
「溫馨」過後，係一片佔地好廣嘅丁屋區。穿過丁屋區後，見到雙魚河。
過河後，本來有條大村路，我今次揀踩細村路。
細村路響一處唔起眼嘅地方駁番大村路。大約兩三年前，大村路仲係 XC 路，依家壓平，部分鋪埋水泥。
另一地標 -- 樹屋。
又係地標 -- 避雨亭 + 小巴站。呢度四岔口。MT bike 可上麒麟山（另看：新年漫走 -- 屯門至上水「越野」單車徑 + 軍營 + 麒麟山）；右邊去古洞水塘。今日去元朗，所以行左邊上斜。
去到麒麟村。呢條係大約一年前落成嘅排洪渠。因為呢條排洪渠，令之後一段路差唔多荒廢，連本村人都冇行 lu。
排洪渠行到尾，好似冇路之際，繼續入，就會見到荒廢的路。
荒廢的路有好多荒廢嘢，好啱探險版玩。我都響探險版出過幾個 post，有興趣可睇睇。
荒廢的路最後接番一般村路。繼續去就係大部分車友都識嘅新田軍營。
除非趕時間，否則我一般都唔入軍營。我會揀繞過軍營嘅「獨木鐵橋」路。今日度過，橋高 1.3 米。控車技術差啲就準備跌落水。
出新田軍營後。早前以為會起屋嘅練習場，原來係重建。踩多陣就係著名嘅「消失的路」-- 今日經過，冇消失。
之後入牛潭尾村，再去到逢吉鄉。入逢吉鄉前，會有幾個分岔，總之靠山邊踩就 OK。
又入小村路 -- road bike 仍然踩到的。
最後，到達花海。（另看廢置豬欄大池塘開花）
DominicNg@G 發表於 10-6-2016 09:41 AM
鐵橋找到，沒有難到。難在入村內真的八陣圖，雖然知道四通八達，但這刻有點迷失...
稍後出報告
其實仲有幾條路，不過有啲 road bike 唔適合，下次踩 MTB 介紹！
都幾多路段唔濶, 推車行冇理由會跌落水/坑. 村路有部分幾窄，但全部單車 / road bike 踩到（road bike 踩唔到果啲今次唔介紹）
留意鐵橋右邊嘅欄 -- 好容易撞到 handle bar，所以過橋時唔可以攞中間線，即係要靠左，左腳踏有可能會出咗橋外 -- 其實唔關技術時，係心理果關過唔到。 當行山遠足適宜？ 蛋兄，可否pm gps路線，小弟有興趣那鐵橋。:$
好，等我返工企pm你。 蛋C兄，小弟有興趣該路線, 可否pm gps 路線, 謝謝 ! 計劃端午節假期如無雨走一轉，先謝謝蛋兄分享。 晨早出發，到花海還曬到濃，準備離開就倒水，被困村口兩個半小時，雨才漸細，冒著雨選擇最短的粉錦回家。 找到鐵橋嗎？ egg_studio 發表於 10-6-2016 03:18 AM
找到鐵橋嗎？
鐵橋找到，沒有難到。難在入村內真的八陣圖，雖然知道四通八達，但這刻有點迷失...
稍後出報告
頁:
[1]