牛潭尾行山記
本帖最後由 GroupWebike(@G 於 9-5-2016 09:26 AM 編輯平時少見太陽，呢兩日天氣咁熱，當然要出去行山！最重要既係難得今日二人同行，於是我就提議去牛潭尾
一講起牛潭尾好多時只會諗起
但所謂「爬得文多，自有神秘路」
詳情就要睇番
靚景！牛潭尾軍路黃昏遊
又嚟牛潭尾軍路
「消失的路」消失之謎
牛潭尾濾水廠
上次「牛潭尾單車徑分享」由於時間關係冇行到
於是我地一於去睇睇「消失的路」今日有無消失！
因為上次自己一上一落，好陰公。
所以今次叫友人帶護膝！
時隱時現既「消失的路」今日出現左
推車推到心跳174，而事實係當日最高推到188！
行山友既標記，「15大」又係點解呢？
我晏晝都未食得，前轆就已經食飽晒
測量站
地標依然十年如一日，之後就開始落山
一路落斜唔算容易，好多都只係半推半轆
當中亦自炒左一次，草叢太多睇唔清，前轆落左大坑
山車就應該出現於山林
然後話咁快就會見到軍路
路既一面係內有軍犬既軍營，另一面就係越野車場
路況好唔樂觀既大斜，半推半推咁落山
落到山腳會有精緻路牌，按中國習俗「入屋要叫人」，所以馬上去觀音廟
觀音廟
買少見少既舊式公廁油左新油，之前既「男／女」已經由手寫改成靠「癡」
見有荒山野嶺有coffee or tea, 即刻入去買可樂
除左可樂仲有雲南米線
同場加映鐵血戰士米線
呢度其實係越野電單車場
離開越野車場行大路出返長瀝，但唔去唐公嶺入返去麒麟坳方向行「沙石泥」
到雙魚河入文錦渡＞恐龍坑＞白虎山＞坪洋＞回程
呢個係原本計劃既路線
但原來一條軍路就已經「夠皮」
所以雙魚河轉返入快景路食豆腐花
食完快快收工
文錦渡只好留待下次再去
回程既時候見到壆學路封路
原來有單車比賽
前排係清明，所以消失的路應該會出現番！
你一換單餅就立刻挑戰消失的路!! 厲害！
呢條路大上大落!
好彩換左單餅先挑戰, 輕幾磅先推得掂!
事後檢討:
1, 大上時極打滑, 重心移太前
2, 大落時前後都唔咬
3, 大落時唔敢去, 重心移太後, 雙手打直晒, 反而極容易失控
4, 呔氣太高 前後約40psi
5, 腳力唔夠!
睇黎應該多D環塘, 學多D, 操多D先再去「消失的路」
很有興趣再挑戰消失的路:L 呢排天氣好, 係行山既好日子
等 多米兄 賽後報告! 果日我一枝公都去左MX Club，不過唔識行消失的路，只能夠跟住長瀝條砂石路入，原路出返去，搵下搵下摸左去麒麟山路出返新田:P。
anordinaryman 發表於 13-5-2016 09:41 AM
果日我一枝公都去左MX Club，不過唔識行消失的路，只能夠跟住長瀝條砂石路入，原路出返去，搵下搵下摸左去 ...
「消失的路」已經圖文並茂晒，你爬爬文就搵到！（但清明過後，條路正消失中……）
egg_studio 發表於 13-5-2016 11:36 AM
「消失的路」已經圖文並茂晒，你爬爬文就搵到！（但清明過後，條路正消失中……）
...
牛牯嶺賴過野一個人唔敢再入山:L
anordinaryman 發表於 13-5-2016 11:52 AM
牛牯嶺賴過野一個人唔敢再入山
要有探險嘅精神！
egg_studio 發表於 13-5-2016 10:37 PM
要有探險嘅精神！
唔想再勞煩消防大哥。:L
anordinaryman 發表於 16-5-2016 08:05 AM
唔想再勞煩消防大哥。
你響 MX Club 上牛潭尾軍路，然後沿軍路行，去到尾就係解放軍軍營（樓主有圖）。你行返轉頭，會發現有幾條越野電單車路落山。你任揀一條，就可以落到牛潭尾村（另稱悠潭美）。一般嚟講都唔駛麻煩消防哥哥。
egg_studio 發表於 16-5-2016 10:41 AM
你響 MX Club 上牛潭尾軍路，然後沿軍路行，去到尾就係解放軍軍營（樓主有圖）。你行返轉頭，會發現有幾 ...
一枝公打死都唔再off road入樹林:P
頁:
[1]