清遠英西峰林
今日執FILE, 睇番之前返大陸踩單車既活動影片.好有多人覺得香港踩單車已經好危險, 大陸踩單車仲危險.
大陸好多地方地大路闊, 而且最重要係單車能夠得到駕駛人士既尊重.
好大原因係因為中國改革開放之前, 單車係好多人既主要交通工具之一.
司機已經習慣左同單車一齊共用馬路, 甚至司機自己本身都經常用單車來往.
開放之後, 雖然汽車多左, 但單車文化根深柢固.
雖然過多幾十年之後可能同香港一樣
(香港 五,六十年代同樣單車為主要交通工具, 但發展至今已經成為不少駕駛者既"阻住晒")
分享一條廣東省清遠既單車活動影片:
http://www.youtube.com/watch?v=RF_Eu89cx0E&feature=youtu.be
我響教嘅單車班及網頁上一樣成日講，大陸踩單車絕對安全過香港好多，同樓主所講一樣，單車係國內交通文化之一，大車讓小車、小車讓單車 -- 記得單車要讓行人！
平時踩大陸啲山，山路人車單車共用，國內人無論揸車定行路，見到你會講「加油」，響香港就叫你死開 or 呠你。
不過，響大陸，特別係廣東省，道路上最危險就係中港牌，因為啲司機完全唔識國內嘅交通文化，以為好似響香港咁。我曾經同幾個有中港牌嘅「廠佬」傾過，佢地第一句一定係：「大陸人揸車亂咁嚟！」加上香港啲右翼傳媒炒作（響大陸踩單車出意外就大幅報導，響台灣死幾件就輕輕帶過） ，最終又係累死我地。 睇完條片，你去果度好接近「廢村懸棺」，有機會去睇吓！ 都係跟人去，其實唔清楚自己去左邊:L
就算再去都未必會去同一條村同一地方
所以應該都冇乜機會！
頁:
[1]