「捐窿捐罅」遊粵北（二）：南華寺、必背瑤寨、楊溪水...
睇完核戰避難所、礦洞同溶洞後，又講吓其他例牌景點。大笪地上嘅內容及圖片同 egg studio 網站有唔同，有興趣請兩邊都睇埋。
到韶關之前，經過著名景點「南華寺」。南華寺唔算「捐窿捐罅」，因為話曬係廣東六大名寺之一，面積頗大，一般去粵北或者韶關嘅旅行團都會去呢度，所以唔講咁多了。
除以上幾張相入面嘅嘢外，南華寺裏面有三副高僧嘅真身，最耐果個死咗約 1300 年。（南華寺有 1500 年歷史）
之後到韶關。如之前所介紹幾個地方以外（請睇番「捐窿捐罅」遊粵北（一）：核戰避難所、鐵礦洞、鐘乳洞），響礦山上仲有一棟古寺「蓉山古剎」。踩開單車上去，不妨停停睇睇。
蓉山古剎
響兩年前嘅 post 都有介紹，礦山上除礦洞外，仲有一個露天煤礦場。兩年前仲見到明顯深灰色、接近黑色嘅煤礦層，依家就回復大自然了。
之後向西北走，前往約五十幾公里外嘅瑤族自治縣。入面有一個景點「必背瑤寨」。不過，呢個景點太人工化，不及沿途所見的瑤族房屋同風景好睇。
沿 X325 縣道從東往西走，順住楊溪河踩上上游。
約踩十幾公里，去到冇特色嘅必背瑤寨。（加上寨前河道有工程，令景色更加唔吸引！）
又踩多十幾公里上山路，去到楊溪河「源頭」-- 楊溪水水庫。
繼續上山，一覽水庫全貌。
水庫附近，又有防空洞。
入面積水，所以入少少就回頭。
落咗一星期雨，路邊都有小瀑布。
因為我地由東向西踩，即係響必背瑤寨「後門」入，正門出，所以嚟到呢度，見到必背瑤寨正門牌坊。
頁:
[1]