又嚟馬巒山即日來回！
近年去過好多次馬巒山（請用 search 爬舊 posts），貪佢近香港，又有沙泥路玩，踩得快的話，半日搞掂；慢轆都係大半日。由沙頭角踩馬路上東部華僑城。
上到大半，有觀景台 -- 今日天氣好，睇到遠處香港嘅西貢。繼續上山，然後轉入木棧道，又繼續上山。
然後一路都係 XC 上上落落。
去到山中央，例牌景點「馬巒湖」。大家知唔知，圖右邊個發泡膠要嚟做乜？
之後，又係行 XC 路落山。不過，已計劃下次會向東面探路，從山路往金龜村。若此路行得通，馬巒山又多啲嘢玩！
請問，由沙頭角過關點過？ 過關後往鹽田方向，入海鮮街，踩多約 5 分鐘就會見路口，左轉上東部華僑城，去到就問人啦（最好問保安），因為上馬巒山條路路口極度隱蔽。
頁:
[1]