Recall 快拆，睇睇自己關唔關事？
早前有約 17 個單車牌子，包括 Trek、Cannondale、Giant 等，因為某啲型號單車上嘅快拆發現有潛在危險，所以 recall，影響嘅係約 1998 至現時嘅單車。要知自己關唔關事，要留意單車用緊邊種快拆。
下圖左邊係稍為新設計嘅快拆，一般散買或某啲單車跟車配有。右邊係有問題快拆。如果大家踩單車有一定年資，應該會見過呢種「舊款」快拆。我自己都有幾套，響舊款 Shimano hubs 十分常見，road bike 及 MTB 都有。
出事係當呢種快拆裝響碟剎嘅 MTB 上。若快拆鬆咗，就會捲入剎車碟裏。簡單地可睇睇下圖：
（圖片轉載自 Bikerumor 網站）
捲入去有乜後果，應該可以諗到！（圖中都有講）
至於解決方法，若係原裝車：當然立刻搵代理搞掂。若自己砌車，快啲換咗佢。
就算新款快拆，都應該試試有冇同樣問題。將快拆扭開（但不扭鬆），睇吓會唔會捲入剎車碟裏 -- 例如我呢隻，最多甩轆，不會捲入剎車碟裏。
頁:
[1]