玩具模型情景繪畫（更新中）
暑假期間，我教嘅畫班轉畫一啲趣味大少少嘅主題，畫吓玩具。幾日前開始畫一張「情景」，畫面以舊超合金、汽車、模型火車及人仔模型構成，以 marker 上色，目的係做出鮮豔明亮、寫實得嚟又似漫畫嘅感覺。
簡單講吓過程：先用鉛筆起稿，心目中構思係以超時空世紀嘅搬貨機為主，背後有兩列貨運列車。搬貨機及兩列貨運列車都係黃色，所以加插綠色嘅草地及樹 -- 畫開畫嘅大概會明白，係用冷暖色嘅對比。另外，Santa 火車有藍色，所以亦響前景木招牌及背景加入相同嘅藍色嘅廣告及海面，以平衡藍色嘅分布。
設定顏色分布同時，略為修改草圖，將火車嘅角度改少少，及左下角行人改為工人（咁全部人物都變晒工人）。先以黑色墨水筆上色及填塗陰影，初部已有立體感覺。
然後按之前定好嘅顏色分配，油上黃、藍及綠。大家細心觀察可見，呢個階段只用一支黃色、一支藍色、兩支綠色，最後用紅色及啡色點綴幾下。呢個係 marker 畫嘅「風格」，顏色唔駛多，一般不超過 3 種主要顏色。
然後加入幾種深淺不一嘅灰色，細位就出埋嚟。
去到呢度，發現工人用嘅橙色冇晒，而木牌廣告亦未諗定，加上左邊草地想加多件玩具，所以到此為止，先出街買顏色。
響 art supply store 買咗平價橙色，明天繼續，稍後 update。
學生嘅作品就唔響呢度介紹，有興趣就去我網站自己睇。
用嘅marker 呢款筆嘅外型靚過"淘淘"嗰48色 但「淘淘」果隻又平又好用。我買 $192 人仔 = $230，運費 $30，total = $260。除番開 $260/48 = $4.8 一支。
你可以去 art supply store 睇睇酒精 marker 幾多錢一支 / 一套……
頁:
[1]