澳門東望洋燈塔開放日及松山軍用隧道
七月份嘅星期六日，為慶祝東望洋燈塔 150 周年，燈塔開放，平時唔入得嘅燈塔可以上去參觀。據工作人員表示，網上有傳凡七月都會開放，但實際唔會，淨係今年，所以有興趣就趁下星期六日最後機會去參觀吓了。
燈塔入面果盞燈，經好多片鏡片折射，光線先可以直線射到遠處。
底座有轉動構造，令燈 360 度轉動。
轉動構造。（呢部應該係後備機組）
「燈膽」。
「燈膽」入面嘅玻璃罩。
燈塔入面嘅照明。
現時燈塔以自動操作，萬一停電，就靠呢組鋼纜響塔底人手拉動。
塔底存放咗燈塔頂嘅玻璃。
最後嚟一張例牌全景相。
之後順道去一去松山軍用隧道……
響幾十年前、未有大笪地前，我地探險版會員已經去過松山軍用隧道。跟據官方資料，松山有三條軍用隧道（官方人士特別對我講，請用「軍用隧道」，盡量唔好用「防空洞」，因為果度並非防空洞，有興趣先講多啲……），依家名為 A、B、C 組。
A 組響大約 2003 年重修及開放，入面有冷氣，行完燈塔可以去走走。
C 組就係當年探險版會員去果個，面積最大，有幾條支路，共有兩層，入口有升降機，方便運送物資。據官方人士講，其實當年三條隧道都係「開放」（言下之意係，政府根本冇條例及規則管理，所以入去法律上唔會有問題，直至幾年前先制定計劃重修及開放……）
所以，當年入 C 組嘅情況，請睇舊 post 再出舊嘢 -- 澳門防空洞（松山軍用隧道 C 組）
C 組入口，同當年冇乜分別。
鐵閘已焊死。
有官方 C 組地圖，唔駛自己畫。
至於 B 組，響 2013 年年尾開放，但只限逢星期六日，而且要跟導賞員入，每次限 15 人，所以有興趣就早啲去排隊。不過，當日燈塔開放日，政府極度低調，一貫有政策但最好唔駛做風格，所以得小貓幾隻，連澳門朋友都唔知有呢件事。
B 組入口。
裏面已經好似香港海防博物館，有冷氣。
可爬出炮台玩吓。
極之吸引.... 極之吸引.... 下星期係最後機會。 夜晚上過一次~
中間既路差唔多咩燈都無哈哈:L 果日多唔多人去睇? 唔知下年有無得開放呢? 我問過工作人員，佢地話唔會年年都開放，今年係150週年，先有開放日。咁下年151週年就唔知，要留意一下官網了。
頁:
[1]