又嚟梁化！兩日一夜快車
從 2014 年年中至今短短一年，已經去過五、六次梁化 -- 有紀錄嘅有四次，加埋今次最少五次：梁化一天來回快走
惠東、梁化、巽寮東岸 — 賞梅海鮮單車遊
梁化古田快車下山團
惠東、梁化、平海、灣仔單車越野行--速報
雖然路線嚟嚟去去都係果幾條，但每次人腳不同，所以每次都有新意思。
今次兩日一夜。早上老地方出發，上到山約中午。先嚟 600 米路線（「花樹下」路線）。有幾位團友好多年未去過，而上一次去仲要行錯路，所以可算係「第一次」玩此路線。結果，大家玩完後覺得呢條 18km 齋落山路線好玩，於是午飯後又玩多次。
「花樹下」路線起位於 648 米的山坳。
當日見有不少村民出入 / 返工，大概又係種植季節開始。
原本的碎石路鋪上泥土。
例牌影相位：花樹下水庫。
Day 2 早上又嚟 600m （可能大家都覺得好玩）。我趁大家認得路，於是中途離隊，去探吓另一條路，結果搵到一條經小形水庫嘅河岸路，咁下次又有新路玩。
探路探到小水庫。
小水庫下游是河床，路線沿河而下，接回花樹下水庫。
下午，快走 900m 路線（古田路線）。同上次相比，今次路況乾爽，路上布滿落葉，樹根及碎石被泥土及落葉掩蓋，車呔咬地，比上次更快更安全。另外，響中段位置探出新路，免卻百多米過河抬車 -- 總之，下次又有新路玩。
一月初時，梁化林場梅花盛開，結果車唔俾入，要由山腳踩上去（另見惠東、梁化、巽寮東岸 — 賞梅海鮮單車遊）。當地村民話：「梅開花一個月、結果三個月」，所以今次見到林場結滿梅，仲落到通地都係。
樹上未熟透嘅梅。
例牌影相位：軍事禁區。
上次去仲興建中嘅小水壩已成形，響山入面築成小水庫（另見梁化一天來回快走）。
不過唔知響山卡啦起個小水庫做乜？
古田路線嘅涉水路段，巧遇勝景 -- 啱啱河邊嘅樹開花，落到成條河都係。
例牌影相位：一向我都覺得好靚嘅森林小溪。
最後，若見到以上通緝犯，請聯絡公安。
頁:
[1]