馬巒山遊（實時報導）
復活節假期，到馬巒山 XC 單車，即日來回。香港及國內車友好多都去過馬巒山，所以搵咗幾個網上遊記及向國內車友查詢後，擬訂行程：
沙頭角老地方 --> 大小梅沙 --> 華人公墓 --> 洞背村 --> 紅花嶺水庫 --> 馬巒村 --> 光背村 --> 東部華僑城 --> 沙頭角
國內車友亦透露，有班國內車手同香港「開山掘路」一樣，上年響馬巒山掘咗越野路，不過國內車手要返工，未能帶路，所以今次只係玩「遊客路線」，約有一半 XC、一半石屎路，難道低、風景靚，係一日來回好去處。
又嚟實時報導：
先係例牌景點：明思克號。
三架單車、三個 size ，遲啲仲有 27.75 及 36 ，死未？ 鹽田例牌影相位 -- 記錄填海工程。
鹽田沿海棧道大斜路。
大梅沙~
小梅沙 臨近清明，應節關係，選擇華僑公墓路線上山。
開始上山！ 上山！ 穿過墓場後，後山有路上斜，去到洞背村小休。 離開洞背村，沿土路進入森林公園。一路踩上山，圖中山坳位置就係紅花嶺水庫。
閘後係水庫堤壩。
繼續上山，從高處看水庫。 繼續向上踩，去到例牌景點「馬巒九寨溝」。
山中有幾間小餐廳，冇 menu 果隻，入去廚房睇吓有乜食 -- 閒日關係，得兩間餐廳開門，亦冇乜菜式選擇，於是即劏走地雞一隻。
強華學校
馬巒村裏有九寨溝外，仲有古跡及碉樓。
庚子首義發源地「羅氏大屋」 -- 另見探險版 post -- 庚子首義發源地「羅氏大屋」及強華學校 食完飯，繼續上山，踩入濃霧，越高越大霧。
差不多去到今次旅程最高點（冇 GPS，所以唔知幾高，約四百幾米），霧亦越嚟越大。
之後繞山而行，進入木棧道。
繼而石棧道…… 大霧關係，睇唔到落斜有幾深！？
石棧道後，係「侏羅紀公園 3」的大鳥籠隧道，同樣大霧，見唔到末端。
最後入東部華僑城（下圖東部華僑城小火車路軌），經 8 公里瘋狂下山路返回鹽田，到 Burger King 下午茶收工。（全日共踩約 50km）
馬巒山最多神秘人
頁:
[1]