河源磨房 200km 實時報導
繼河源100km及梅州128km後，今年第三次磨房單車活動又去番河源，今次踩200公里，由河源市往東，經黃塘、紫金、黃村、黃田、義合，繞一個 200 公里嘅大圈後返到河源市。Day1
響香港坐車到河源後，到起點登記，然後梗係例牌動作攞個微信 scan QR code 響各大 spouses 攞禮物。
賽後總結：
今次慢踩，一路踩一路「實時報導 + 上載照片」，當中有啲冇乜記錄，依家後補，完整 200 公里所見所聞。
由起點往 Checkpoint 1 紫金的 66 公里路程，大致是平緩鄉道，策略是跟住不同的「主車群」及車隊，一來冇咁悶，二來睇吓國內車友的踩法、配速等等。
離開紫金後，轉入施工街道 -- road bike 必死！
之後響—個處唔起眼嘅路口，轉入上山鄉郊路，爬上幾個彎後，唔經唔覺就去到山嶺之中。亦由於入咗鄉郊路，啲隊型散晒，咁只好「自己踩自己」，去到 checkpoint 及騎騎樂嘅補給點時先同隊友傾吓計。
穿過十幾公里田野後，又轉番入鄉道，上山後穿過一條約幾百米嘅金山隧道。之前去秋香江時都經過呢條路（另看河源紫金、東江、秋香江單車遊），當日燈火通明，今日竟然「停電」 -- 隧道裏面全黑，又見唔到對面，踩咗半分鐘先見到洞口一點光。（因為冇帶燈，唔敢停車拍照留念，驚俾後面又一個冇帶燈嘅炒埋嚟！）
之後鄉道又轉入山路，響「群山峻嶺」裏踩幾公里，通往早前秋香江時經過嘅康禾水，繼續穿梭田野。呢一段雖然路況唔太理想（對 road bike 而言），不過風景係全程中最靚，直情要減慢車速慢慢欣賞！
不經不覺，踩到中午，肚餓了，所以停低士多飲汽水 + 買餅食。期間有另一隊車，寫住「雲 X 單車」，又 SRAM 又 zip，但車友操普通話，有啲奇異！？
http://www.photomarket.hk/data/attachment/forum/201411/03/095331jalzlp8xgxpvuaid.jpg
如果冇咗電線桿的話，畫面會更靚。
放大上圖，見到單車隊響田野中 -- 置身其中，愉快過踩鄉道省道多得多 -- 為咗影呢個景，我踩離主線幾百米，但都避唔到電線桿！
經過「城堡」後（請睇番上面「實時報導」），人頭湧湧，做乜？原來係大會水站，大家排隊攞水吹水。
之後又出番大路 -- 若踩過上次嘅河源紫金、東江、秋香江單車遊的話，記唔記得呢條踩到要講粗口嘅上斜路呢（踩上 431 米，然後落斜至黃田鎮）？不過，留意路牌 -- 唔駛向上，而係轉左落山！
http://www.photomarket.hk/data/attachment/forum/201411/03/095504nbpee0nebfc04ddc.jpg
轉左落山後又上山，不過比上 431 米容易好多（就算已經踩咗接近 150 公里都仲覺得容易）。上到山坳，就見到 150 公里牌仔，之後一路向下，不過越接近河源，風景越唔靚，所以最後果 50 km 都冇停車影相，直踩番終點。
比上次梅州嘅二千，今次參加人數有六千，可能因為收入多咗，所以有 budget 印番本有成四十幾頁嘅「passport 」，用嚟響 checkpoint 「給」印仔外，仲有十幾頁教單車安全同檢查單車。
之後有時間，就去終點睇睇。工作人員正 setup 緊終點。
晨咁早，天未光，準備起步！ 踩咗約一小時十五分鐘，到達黃塘。 準時早上8:30到達 checkpoint 1. 比上次好得多嘅紅牛姐姐。
田心村--騎騎樂補給站。 踩咗100km,唔夠五小時，係去廁所時候。 經過一個「城堡」，有護城河！
12:30pm去到 checkpoint 2，踩咗 135km。
又睇吓紅牛姐姐。（不錯的，請自行放大）
1:20pm,去到150km,開始落斜！
等你地凱旋回歸！ 經過150km嘅山頭後，一路落斜，去到唔知乜嘢江邊，見到響165km嘅騎騎樂補給站。
河源電視台見到我地有一個14歲隊員，立刻衝過嚟做訪問。 最後35公里相對上平緩，沿乜乜江返回河源，見到190km牌，即係轉埋個彎就到。 終於去到終點，以九個鐘安全完成200公里！去到終點，分別有計時姐姐及紅牛姐姐蜂擁上前，一個幫我「打卡」，一個隊罐紅牛嚟。
頁:
[1]