北區三河遊 -- 雙魚河、梧桐河、麻笏河
北區有幾條條「大河」 -- 雙魚河、梧桐河、麻笏河（仲有一條深圳河），幾廿年前都係自然河流，後來改建為排洪河，比原來闊好多，而河岸可踩單車 -- 雖然有 d「城市人」認為改建自然河流好唔保育，不過近十年，區內大致已經冇咗水浸問題 -- 大家近年應該冇乜聽過逢大雨及打風，北區就水浸，要出橡皮艇救人嘅新聞吧！？部分路段為水務處範圍，有趣係，水務處有牌話唔準入，而北區區議會就起咗涼亭、椅子、太陽能路燈等等，結果三條河都變成當地居民休閑活動好地方。
先沿雙魚河嘅支流石上河向深圳方向踩，幾百米後接上雙魚河。
羅湖懲教所。
雙魚河 -- 雙魚河繼續往北，就接上深圳河。
穿過「近期熱門影婚照勝地」後，就係梧桐河下游。下游有水壩仔，平日及假日都有不少釣魚郎及打雀友出沒。
梧桐河上游則有遙控船友及水上飛機友。遙控船將魚趕往下游，讓下游釣魚郎有魚釣、雀仔有魚食、打雀友有雀影。
之後又係例牌地標覲龍圍，今次影張槍樓分享吓。
覲龍圍正門。
之後沿梧桐河支流麻笏河往南。
麻笏河頗「隱世」 -- 因為隱於工業區後面，人及單車唔多，環境清優。
麻笏河再落就係九龍坑，可以一上九龍坑山，或者繼續南下往大埔。
住北區、有單車的版友真幸福 :D 知足常樂啫，特別係睇到河上有人釣魚、玩快艇、踩單車、跑步、放狗、玩水上飛機，各式其式，反觀有 d 人淨係響網上瘋傳呢樣果樣，但又不求甚解，認知分析能力等於零，出嚟運動吓個人都正常 d。 egg_studio 發表於 27-4-2014 08:32 PM
知足常樂啫，特別係睇到河上有人釣魚、玩快艇、踩單車、跑步、放狗、玩水上飛機，各式其式，反觀有 d 人淨 ...
同意 :handshake
頁:
[1]