重遊金門之旅 2014 速報
2012 年，初探大小金門兩島（另見復活節大、小金門遊（遊記 + video）-- 金門旅遊）。2014 年，一行十七人，從深圳包車前往廈門，經小三通航線往金門，輕鬆遊島兩天。先嚟照片講故事，詳細後記稍後推出。
第一晚去番兩年前光顧、食物地道、價錢又大眾嘅「記德海鮮餐廳」。
住又係住番兩年前嘅民宿，房價同樣同兩年前一樣（民宿詳情、歷史及房價請睇舊 post）。
今次加遊高梁田，期間遇見一對香港男女響田野間影相，可見將來，高梁田會繼東江水管，成為婚照熱地！
「古寧頭」城門。
荒廢軍營。
兩年前光顧金城鎮（大金門最熱鬧及文明地方），食過一間十分好嘅牛肉麵。可惜，呢間牛肉麵下午「落場」，所以去咗隔離果間，價錢一樣，味道完全兩回事 -- 鋪名就唔開，不過大家若想食好嘅牛肉麵，記得唔好去呢間。
「建功嶼」 -- 與兩年前相比，石路兩側無啦啦整咗四個人，個人認為，破壞景觀之餘，與該地風景及歷史格格不入，有畫蛇添足之感。
「莒光樓」 -- 舊 post 已提，若時間緊迫，可 skip 此景點，不過夜晚回民宿時經過，見有聲光演出，一看，不錯。（不過裏面的展品仍舊，有興趣可看，我就冇乜興趣。）
「翟山坑道」。
兩年前經過，但不准入內嘅軍營。今次「順利」入內，一睹「愛的教育」。
金門特產高梁酒。酒廠報稱可參觀，可惜只限睇相、video、模型及 gift shop，釀酒過程冇得睇現場。
前往島嘅北岸途中嘅高梁田。
島北岸嘅「馬山廣播站」。 DesmondWan@FB 發表於 7-9-2014 08:00 PM
哦....我以為禁單車
咁去玩梗係安全好...邊個出事都唔想
多謝提供,,,其實我朋友都係兩或三年前去...是否當 ...
分享多少少資料 -- 金門島上有幾種交通工具：
[*]免費單車：唔計自已己響香港帶去，有政府免費單車及租單車。免費單車一如之前所講，我地第一次去時就以為踩得過，亦已經抱住「唔駛錢唔好有期望」嘅心態，結果都係中伏。
[*]G 牌單車：所以，第二次去時經民宿代租單車，$300 台仔一日，當然係台灣名廠 G 牌 -- 相對免費單車，G 牌當然係宇宙最強，比神七日創世仲要偉大，但其實比吐露港租果啲單車差唔多。
[*]電單車：$350 台仔一日，比單車貴 5 草台仔，有國際牌就租得。我老婆都係租呢種車。極速唔高，約 40 km/hr。
[*]私家車：$1800 台仔一日，同樣國際牌搞掂。
[*]的士：我地響小金門包的士，$1000 台仔一日，坐 5 個人，司機又係導遊，帶我地去晒小金門名勝。
[*]觀光巴士：班次疏落，民宿附近冇得搭 -- 要轉車出「省城」先有，所以不如自己租車好過。
誤會了，我意思唔係金門政府規定唔準踩單車，而係講若我地將來再去金門的話，會規定團友唔準踩單車，原因係金門政府提供所謂免費嘅單車，嚴重缺乏維修，加上金門本身提並非平坦嘅地方（丘陵地形），若用當地政府提供嘅單車對駕駛者會有一定危險性。
早前響某電台節目訪問咗一個報稱去過好多次金門嘅「達人」，達人仲推介金門啲單車及路線有幾好幾好，信佢就即死。所以大家要格外留意。
上次去金門就租電單車，價錢廉宜，可推薦。 本帖最後由 DesmondWan@FB 於 7-9-2014 08:03 PM 編輯
egg_studio 發表於 7-9-2014 06:27 PM
誤會了，我意思唔係金門政府規定唔準踩單車，而係講若我地將來再去金門的話，會規定團友唔準踩單車，原因係 ...
哦....我以為禁單車
咁去玩梗係安全好...邊個出事都唔想
多謝提供,,,其實我朋友都係兩或三年前去...是否當地車就沒留意
不過你咁講就不選擇單車..
:lol:victory: 你哋就好啦~ wongdavid 發表於 22-4-2014 08:47 AM
你哋就好啦~
你可以 join 架！
好後期先知你哋去金門，下次有團早啲通知我哋啦 :o wongdavid 發表於 25-4-2014 12:29 AM
好後期先知你哋去金門，下次有團早啲通知我哋啦
因為今次包車去，未「公開認購」前已經「內部認購」晒d位，連 post都唔駛出，下次早 d通知你。
egg_studio 發表於 25-4-2014 02:22 PM
因為今次包車去，未「公開認購」前已經「內部認購」晒d位，連 post都唔駛出，下次早 d通知你。
...
期待呀 :D
wongdavid 發表於 25-4-2014 12:29 AM
好後期先知你哋去金門，下次有團早啲通知我哋啦
「你哋」？
如果join 你可以吹雞吹到幾多人？
Homan 發表於 26-4-2014 12:33 PM
「你哋」？
如果join 你可以吹雞吹到幾多人？
要睇去咩地方，如果趣味性大又唔使花費巨大的話，要搵5-6人應該也可以 :)
wongdavid 發表於 26-4-2014 06:43 PM
要睇去咩地方，如果趣味性大又唔使花費巨大的話，要搵5-6人應該也可以
...
趣味性同花費呢兩項都十分主觀㗎喎。
例如行博物館，同一間博物館，有 d 人行幾日都好「趣味性」，有 d 人行十分鐘已經話悶。
egg_studio 發表於 26-4-2014 07:37 PM
趣味性同花費呢兩項都十分主觀㗎喎。
例如行博物館，同一間博物館，有 d 人行幾日都好「趣味性」，有 d...
所以要睇你哋去邊先，但去天然景觀地方有興趣嘅人會比較多 :)
金門又係我想去的地方.......每次假期未能配合前往 今年去今門已經發現當地政府為咗「搞旅遊」而興建咗一啲無無謂謂嘅嘢，金門已經變質了。有興趣去就快啲，遲啲變成台北高雄就xx 同kk,而且仲we 了。 egg_studio 發表於 6-9-2014 02:38 PM
今年去今門已經發現當地政府為咗「搞旅遊」而興建咗一啲無無謂謂嘅嘢，金門已經變質了。有興趣去就快啲，遲 ...
我希望下年搞得成..之前朋友踩車都話好正....
講真，踩單車就完全不及大陸（你朋友應該冇返過大陸踏了……）我地若有下次的話，會標明「不可踏單車」，因為租電單車或私家車會便利好多。 講真，講起就火滾，我地第一次去時就好天真好傻地以為金門踩單車好好，結果今次（第二次去金門）就規定要租單車及電單車。玩完今次後，就規定下次不可以踩單車。 egg_studio 發表於 7-9-2014 02:27 PM
講真，踩單車就完全不及大陸（你朋友應該冇返過大陸踏了……）我地若有下次的話，會標明「不可踏單車」，因 ...
佢去金門前未上大陸但而家有.... egg_studio 發表於 7-9-2014 02:31 PM
講真，講起就火滾，我地第一次去時就好天真好傻地以為金門踩單車好好，結果今次（第二次去金門）就規定要租 ...
咁規定都有...帶左車咪好煩=.=
頁:
[1]
2