大笪地高層向新手買 Canon 紅圈鏡頭記（真實故事）
據知，大笪地某高層早前向一位 80 後相機仔（不是相機佬）買一支 Canon 「後菲林」年代 EF 鏡頭，遇到以下趣事，分享一下：上圖為 EF 100-400mm 鏡頭，但是否就係我所講果支「後菲林」年代 EF 鏡頭？由於與本故事無關，不予置評~~~~
該鏡頭開價只係一般二手價嘅 1/3（唔係原價嘅 1/3 !!!），所以吸引該大笪地高層。經聯絡後，賣家確認價錢無誤，但電話中清楚表示鏡頭有問題，所以先會咁平。大笪地高層計過條數，諗諗雖然係壞，不過可能加埋修理費計落仲有 so，所以都約賣家出嚟睇貨（睇吓點壞法）。
見面當日，賣家係一個 80 後，個樣少少柒，揸住部 Canon 新手最愛嘅硬膠 EOS-xx0D 相機，而待沽鏡頭就插響部機上。
賣家 body 連鏡一齊俾大笪地高層試（所以大笪地高層雖然帶咗 body 響身，但果一刻冇攞出嚟）。高層開機一試，發覺測光有反應、body 讀到光圈值，但不能對焦。高層一邊試，80 後賣家不斷提醒：「支鏡頭壞，對唔到焦，所以我先賣咁平。你慢慢試清楚啦。」
期間，賣家同高層吹水，講吓遲 d 要換 full frame 機、買多支乜乜紅圈鏡、又問吓平時高層有冇影女 (model)。由於高層用 full frame 機，所以見賣家想玩 full frame，都答咗幾句嘴，但雙手雙眼仍然不停試 / 檢查緊支鏡頭。
答嘴期間，高層知道賣家根本唔知 full frame 同 "half frame" 有乜分別 -- 賣家話 full frame 影出嚟張相像素大 d 、清楚 d 喎，所以想換機。高層試試「豆」吓賣家，問佢 full frame 對景深有乜影響？佢答唔出，之後繼續吹，話 full frame 機可以影 16:9 相片，又可以拍片，唔係 full frame 唔得！（佢部 EOS-xx0D 就真係冇得拍片。）
期間，高層有打探吓佢識唔識香港大笪地？賣家唔識，所以高層估計佢唔係呢度會員，先托我寫番呢個故事出嚟。
高層試完一輪，問賣家：「可唔可以用自己機試一試？」
賣家表示冇問題，咁高層立刻攞佢部 EOS-xDmk? 出嚟、插入「後菲林」年代 EF 鏡頭、試鏡，立刻俾錢成交！
賣家收錢前都重覆提醒，支鏡壞㗎！高層充滿信心回答：「放心，我呢 d 老鬼用 manual 就足夠，就算測唔到光都冇問題！」
成交~~大家分道揚鑣。故事去到呢度就完結，咁其實發生乜嘢事呢？想知就回 post 吧。
**** Hidden Message *****
香港人太過有＄...識唔識用都買左先講 Homan 發表於 20-11-2013 10:59 PM
其實我想知係邊支鏡同埋幾錢，可以PM話我知嗎？
呢個經歷嘅主旨係，現今好多新手，有錢冇技術淨齋吹（有錢買紅圈但對相機嘅基本操作都唔識），同邊支鏡及幾多錢成交冇關係，希望各位新手緊記影相最緊要基本工，不要沉迷器材主導。（其實單車界一樣，但代表人物不幸係大笪地會員，所以唔講 lu）
而且，我只係「代筆」，大家都知我不是 Canon 人，所以主角不是我。
如果真係好想知，講少少，係遠攝紅圈白鏡、定焦、有袋冇盒，成交價係二千樓下。
index 發表於 31-3-2014 12:49 AM
我都係新手 無咩技術 又係80後 不過就咁睇上面文章 個賣家真係膠到不得了
睇人地係自己部機一試就話買 咁就 ...
咁又唔關 80 唔 80 後事，只係單反攝影太普及，加上廣告宣傳，令太多人以為只要用錢買單反同貴價鏡頭（當然要落水印），就即刻自動變高手。
同樣地，有時去星 X 行吓，有 d 鋪一行入去見你生客，即刻當你水魚，同樣道理也。
你講果個5係我.. 我用高20%價買！ 世間太多白痴仔 Homan 發表於 17-6-2013 11:28 PM
我用高20%價買！
即係幾多？ 一般二手價嘅 1/3 x 120% = 一般二手價的四成 Homan 發表於 18-6-2013 12:04 AM
一般二手價嘅 1/3 x 120% = 一般二手價的四成
據果位向高層透露，假如手二手市場賣緊一萬，佢支「壞鏡」叫價三千，所以最初佢諗住整番都有so。 路過睇吓發生咩事~~~ 即係幾多？ tb1 發表於 27-6-2013 12:56 AM
即係幾多？
事主不想透露買咗邊支鏡，只可以講係，總之係二手價錢嘅三折啦。（或者當係壞鏡頭價錢） 你詁如果個80後知道真相會點 經一事，長一智。 what's happing.. ?? really want to see see sin. 裝係自己部機冇事, 比$走人 所以二手買賣經驗同知識好緊要! 路過睇吓發生咩事~~~
發生咩事???? 路過睇吓發生咩事~~~ 其實我想知係邊支鏡同埋幾錢，可以PM話我知嗎？;P