《昔日回顧之六》 - Ricoh Mirai 單鏡反光機
有人介紹 Ricoh 新出 GR-D 相機，突然諗起好耐之前，麗確同 Olympus 一雞兩味，分別出咗兩部兄弟機 -- Ricoh Mirai 及 Olympus AZ-4。兩部機最吸引人的地方就是外型。它比當時的「傳統」儍瓜機大，但從配備及功能又接近單鏡機，不過不可以換鏡，但確實是一部單鏡相機!
當時這相機的賣點是不用帶幾支鏡頭及閃燈，因為內置35-135mm ＋ macro 及閃燈。當時1988 年，市面上未有如此「zoom得咁勁」嘅機。 幾年後，賓得才推出著名的「賓得神鏡」系列。
35-135mm + 200mm tele
當年有幸用過。印象最深是所謂全電子化操控 -- zoom、對焦、快門調較(不可調較光圈）也是用按鈕、LCD （觀景器及機身）進行，連手動對焦亦由+/-掣控制。
此外，75度手柄亦是前無古人後來無者設計，不論好與不好，80年代由機械轉電子相機的年代，的確發展了很多新奇有趣的設計。
當年我記得售價是麗確版本 $2999, Olympus 版本平百幾元，只比當年的高級儍瓜機貴一千左右。另外，同期我買 EOS-630 ，body 只係 $3200,所以當時認真考慮過買邊部。
頁:
[1]