自己安裝 CCTV 系統
為監察及防盜，前排安裝 CCTV 及警報系統。之前向新界做開村屋防盜嘅公司打價，發現極度海鮮價，由 8 千至 8 萬都有，但不約而同，幾間都唔可以確實報一個實價。同 d 村民同鄉交換過意見，發現原來大家都有差唔多情況，估計新界好多鋪頭其實只係 agents，來來去去都係果幾個師傅做工程。經 d 鄉紳建議，不如自己買料裝，反正搵公司/師傅做，一樣係果幾隻牌子。
結果去鴨記，一套 CCTV 錄影盒（可駁 8 支鏡頭，其中一支為 PTZ，即係可以左轉右轉、zoom前zoom後果種，玩過 Rainbow 6 就應該知邊種），另加 2 支室外 IR 鏡頭、3 支室內 IR 鏡頭，連火牛盒及配線，一共 $3200。
安裝就最花時間，因為要鑽孔及拉線，不過有心機其實唔難。CCTV box 就要駁番落電視（可以駁電腦 mon），另外 setup 網絡及警報。
大致功能如下：
[*]24小時錄影，我買咗 500GB harddrive，夠 5 支 cam 用約 15-20 日。
[*]有物體移動、遮住個 cam、打爛果 cam、剪斷電線等會有 alarm，及將之前及之後嘅 screen cap 及 video 上載至 FTP server 及 email 。
[*]另外用電腦錄影 -- 即係可以 set 多一部電腦或 NAS 響屋企以外地方，例如公司，同步做錄影及 alarm 功能。
[*]可用電腦、iPhone、Android 睇到各支 cam。
Mac 上 Screen shot
Android 及 iPhone / iPod Touch 介面完全一樣
我最近亦為屋企大廈物色CCTV承辦商, 由於是業主立案法團, 所以一切要跟足法例, 只能聘用有保安牌的CCTV公司。我大廈要裝5支cam, 分別係地下大堂1支, 兩部lift各1支, 天台出入口1支及後門1支,再加大閘開門對講機一支, 共6格畫面, 連埋22" LCD mon 及錄影設備合共介乎35-50K
因為做lift槽拉線及放訊號落大廈公共天線的工程都好貴, 大閘對講機亦要成萬蚊一部, 初時以為佢哋都冇乜肉食, 但睇完樓主你的分享後發覺CCTV公司仍然有相當可觀的利潤。其實鏡頭都介乎800-1500之間, 全部都係made in China, 只係香港, 台灣定係韓國牌子, 來路貨唔會出現在民用上, 500線已經好sharp, 但如果要有IR功能就最好親眼睇下個效果, 因為分別都幾大, 同埋顏色有冇問題(當罪案發生後,警方往往都會睇番錄影, 如果疑犯衣服或頭髮顏色能準確記錄下來,對調查有大幫助) 反而d防水殼好平, 如果佢話有防水功能的鏡頭要貴超過200元即係滾你。不過我冇考慮到pan & zoom 的功能, 諗落又好似幾有用, 希望來閣下俯上實地考察一下, 因為我都想在自己屋企裝番套。 alexphoto 發表於 19-6-2012 12:28 PM static/image/common/back.gif
我最近亦為屋企大廈物色CCTV承辦商, 由於是業主立案法團, 所以一切要跟足法例, 只能聘用有保安牌的CCTV公司 ...
你可隨時嚟睇吓，或者星期六早 d 入嚟我屋企。
我果支鏡頭二百幾，但有一支 IR 輸出勁 d 就要五百幾。不過，若室內用，二百幾果 d 已經足夠。顏色方面我認為足夠睇到疑犯衣服或頭髮顏色，解像力亦足夠。
我返工果個商場就用緊「非民用」果 d ，解像力係可以去到 HD，例如支 cam 安裝響二樓，可以拍攝到樓下條街路人個樣，十分清晰，不過個 d 就係你講緊幾萬蚊果 d，因為鏡頭貴、部錄影機都成個櫃咁大。
不過，你同我唔同，我唔需要有牌公司安裝，所以可以平你最少一半。 egg_studio 發表於 19-6-2012 05:58 PM static/image/common/back.gif
你可隨時嚟睇吓，或者星期六早 d 入嚟我屋企。
我果支鏡頭二百幾，但有一支 IR 輸出勁 d 就要五百幾。不 ...
可否提供有pan & zoom 功能的鏡頭牌子嗎? 此功能需一定要用電腦程式控制嗎? alexphoto 發表於 20-6-2012 12:50 PM static/image/common/back.gif
可否提供有pan & zoom 功能的鏡頭牌子嗎? 此功能需一定要用電腦程式控制嗎?
牌子就唔清楚，你可以去鴨記睇睇。個樣係類似：
或者去呢個 website ...... 佢嘅價錢同鴨記差唔多，值得參考。http://dvrcenter.cn/
控制方面，可以由主機 / 電話 apps / 電腦控制，例如 zoom 及 pan；另外，可以配合其他 cam ，當另一支 cam 發現有物體移動或其他 alarm，就可以立刻 zoom 及 pan 到某一個位置 + 錄影 + 追蹤。不過，一支 PTZ 鏡已經等於幾支普通 cam，值唔值就睇自己用途。
由於要靠主機上一組輸出用嚟控制 zoom 及 pan，因此買機時係一定要講明要呢個功能。
Software 方面，跟機嘅 software 可以控制 pan 、 zoom 、光圈大小，當然可以響主機上一樣控制到。
頁:
[1]