走馬看花遊潮洲
潮洲位放廣東東部，差不多到省界，行前少少就到福建。潮洲名勝不算多，著名嘅有「潮洲八景」；今次走馬看花，遊了幾個主要景點。
大陸西湖多的是，潮洲亦有西湖，不過面積頗細，但有趣的地方不是湖景，詳情請睇探險版。
西湖旁邊山崗上，有一段古城牆遺址。
古時潮洲被城牆包圍，另一段保存較好之城牆位於韓江邊。古城牆沿江邊連綿數公里，可自由於上面步行。城牆其中一個用途為防洪。城門通道中央有閘門從上而下，防止洪水湧入城區。
城牆後是舊城區。現在部分街道已復修，有各式各樣之手工藝商店，雖然滾遊客味濃厚，但價錢不算貴。
行遠少少就是「真正」舊城區，未有大量復修。建築仍是二、三十年代風格。
食方面，香港通街都係嘅所謂「潮洲食品」，例如打冷、潮式粉麵等，去到當地就截然不同 -- 打冷完全唔見有，潮式粉麵的賣相及款式同香港完全不同。似乎香港吃到嘅「潮洲食品」其實早已植根了香港，一早已本土化了。
潮式粉麵 -- 不似香港般有個「麵」字響鋪頭門口，而係一個「雜」（簡體）；不只牛雜，同樣有魚蛋、牛丸等。另外見有蒸鵝飯、山豬飯等，但時間不足，未有機會一試。
潮洲地標景點就係廣濟橋。由十幾艘木船連接，有需要可以駛開，讓大船通過。
廣濟橋對面，有韓文公祠，紀念宋代文人掌管潮洲之一段歷史，到此一遊，大概知悉潮洲歷史。
從韓文公祠山崗，可一覽韓江，廣濟橋及舊城區。
頁:
[1]