旺角又多一間單車黑店--功學社
今次經驗唔係俾人開貴價呢 d 小事，事關單車安全，所以必定要開名，請大家留意。因早前買咗個二手 road bike 架，計劃砌一架平頭 road bike。同之前 Fair Lady 一樣，需要買一對 C-夾 用嘅手掣（brake level）。呢排行過各大單車鋪都有睇吓問吓，雖然選擇唔多，不過有平有貴，總之就未買。
今日放工行過「功學社」問問。店內有幾個阿叔，問坐響櫃面嘅阿叔有冇平把手掣，佢諗咗一陣都唔知乜嘢係平把，咁我話：「dup 頭改平頭，所以要買對手掣，C-夾用。」
阿叔：「有，用 Avid 啦。」
當時我即刻心諗：「Avid ? Avid 有出 C-夾 level ？」（因為上年砌 Fair Lady 時已做過 research，Avid 冇出過C-夾手掣 ）
之後我問清楚阿叔：「我用 C-夾，唔係 V-Brake 喎。」
阿叔立刻指指櫥窗，入面約有十幾對黑色 Avid level。（後來返屋企，上 SRAM 網頁，知道果對係 SPEED DIAL 7 http://www.photomarket.hk/forum. ... on=newthread&fid=70）
我回答：「C-夾用 V Brake 手掣停唔到架車㗎喎。」
阿叔：「呢隻（Avid）可以較行程，而且停唔停到睇自己，我踩鳳凰都係用隻腳夾停架車。」
我唔想袋錢入人袋，但都俾條落台階阿叔：「我想睇吓有冇其他款？」
阿叔：「仲有好多隻，我要知你想要 d 乜。」
我：「咁有冇其他款呢？」
阿叔：「有好多款，不過果 d 唔一定停到車。」
結果阿叔點都「推薦」我用 V Brake 嘅 Avid 手掣。
以上對話雖然唔係錄音，不過大致係咁。我可能個樣似新手，所以阿叔點都想滾我買 Avid，而講嚟講去都俾唔到另一個款。如果唔明以上對話有乜問題，咁就要留意：
C-夾同 V Brake 由於設計唔同，手掣唔可以共用。假如 C-夾 配 V Brake 手掣（即係我買咗對 Avid 的話），咁我架車就會唔夠「迫力」，慢速都可以停到，但快車就會冇 brake，係極危險嘅事！
我唔知「功學社」阿叔唔知呢件事，定係當我水魚？人命關天，我唔踩開 fixed gear，所以唔識用對腳夾停個轆，總之大家小心小心！
此外，可參考 SRAM 官網，Avid 所有手掣都只可俾線碟 (Mechanical disc brakes) 或 V Brake (Linear-pull brakes) 使用，不可用於 C-夾。
好多呢D老店老SEAFOOD都係咁
唔去了解新產品特點，但係又自以為了解 咁又唔算黑店，只係個老細唔識野，亂点！ ysl2003 發表於 10-4-2012 09:09 AM static/image/common/back.gif
咁又唔算黑店，只係個老細唔識野，亂点！
總之買嘢小心 d 啦 小心駛得萬年船 去貨就要出盡法寶, 正所謂 Sales 呢家野信佢一成...
旦兄有風度, 比我聽到佢講雙腳夾停架車, 一定會問清楚:@ 呢排想買架單車,好彩師兄報告 唔該哂
頁:
[1]