Clean install Lion 後簡評
Lion 原本設計係不可以 clean install，所以若真係有需要進行 clean install，先好跟下面方式進行。先諗諗點解要 clean install：
1) Mac OS 不同 Windows，一般正常工作使用，唔會越嚟越慢。除非你成日用嚟試 software、hack software等，甚至 hack system 本身。
2) 好似我咁，部機由 OS 8.6 一直 upgrade 上嚟。如果你 d 機比較新，即係原機本身已經係 OS 10.4 或以上，又冇 (1) 果 d 情況，其實唔需要 clean install。響 10.4 或更以前 upgrade 上嚟嘅機，有兩個情況，一，就係 system 裏面仲有 Classic、OS 8、OS 9等，及仲有 d support 以前 G3、G4 處理器嘅 extensions，而 10.3 同 10.4 之間 system 係有極大差別，所以大部分嘅 Mac 人都響當年 upgrade 10.4 時做咗 clean install 了（我就冇）。
3) 你真係客觀咁知道 system 有問題，而唔係一 d hardware 問題。
咁 clean install 方法，首先響 Apps Store 購買及下載 Lion。
根據以下方法去做一隻 bootable USB 或 DVD。DVD 嘅方法同 USB 一樣，只係響 Disk Utility 入面不選 USB，而選 DVD。
http://www.photomarket.hk/forum.php?mod=viewthread&tid=4006&extra=page%3D1
1) 做 backup！如果想徹底 dclean install，就連 Application 都重裝，不要 backup Application，因為有情況係由於某 application 嘅 preference file 有問題令到 system 有問題（例如慢，或關機慢等）情況就好似 Classic 年代要用剔走 d extension 再 boot 機就可解決 90% Mac 問題一樣。
2) 我只係 backup 了Home Directory 入面嘅 folder，包括相、movie、文件等。而 system 及 application 就唔 backup。Backup 方法可用 Time Machines，但其實最直接方法係 copy 去另一個 harddrive。
3) 用自製 Lion boot 機 DVD 去 boot 機 (按 C 或 option) ← 按 C boot 機就係所謂 CD boot 機，因為以前未有 DVD。按 T 就係 Target Disk mode，假如你自製了 bootable Firewire harddrive，可用此方法。
4) 電腦會自動進入 Lion Installer。假如依家按指示 install，就只會進行 upgrade，而非 clean install。所以要 quit installer，然後選 Disk Utility。
5) 用 Disk Utility 去 format harddrive。之後 quit Disk Utility ，再選 Lion Installer。
6) 咁就跟指示做，開始時會 download 一 d files。根據外國網站解釋，Lion Installer 會 download 最 update 嘅 file，即係 install 完後理論上果一刻唔需要 Software Update。
7) 之後會進行 install。我大約 45 分鐘完成（因我上網速度不快，所以當中有約 20 分鐘係響度 download）
8) Lion install 完畢，就抄番 d 自己 file 到 Home Directory。
因 Lion 不包括 iLife (iPhoto、iMovie 等)，要自行 install 番。特別留意係若你部 Mac 原裝已跟 iPhoto 及 iMovie 等，clean install 完後就冇咗。所以一係到 Apps Store 買番（US$14.99），一係 upgrade 算，唔好 clean install。
我 clean install Lion 嘅機係 iMac 24” 2.4 GHz Core 2 Duo, 3G Ram，約三年機。Upgrade Lion 後，用了一兩日，暫時只係裝番 iLife、Sling Player、Firefox 三個常用 softwares。主觀致感覺如下：
1) 可能由於 clean install 關係，整體速度大增。開機約 40 秒，關機約 3-5 秒（Turn off Airport、沒有 shared drive 及 Time Machine 等外置 / network device）
2) Mail 取代了 Thunderbird，因為介面可以變成 iPad 或 “classic” Mail 介面，而速度比舊版 Mail 快。
3) 由於 extension 選擇不多，及有 d website 未能完全 support，我仍使用 Firefox。而可能因 Firefox perference 問題，Firefox 5.1 由之前約需 30 秒 lanuch time，變成 2 秒。(之前嘅 Firefox 係由 3.0 一直 upgrade 上嚟，而之前裝開嘅 extension 有 Adblock、Xmarks 及 Lastpass。Lion 之 Firefox 同樣裝番呢三個 extension)
4) 反而 iMovie 及 iPhoto (仍然使用 iLife09) 沒有顯著分別。
5) Magic Mouse 嘅 Gesture，特別係 scrolling，我不習慣 “iPod” 手勢，所以用番“傳統” -- 向下就 scroll up 嘅方式。
6) 因使用 Android 電話，所以十分依賴 Google Sync。而 Address Book 及 iCal 都完全 support Google Sync。對用 Android 系統嘅人十分方便。
7) Lanuchpad 暫時冇乜使用，因為 Dock 已經夠晒，可能將來先會發現 Lanuchpad 有乜特別之
處。
8) Mission Control 就好似 Space 嘅進化。對於慣咗幾樣嘢一齊做嘅我特別方便。
9) Resume 我專登試過唔 save 就 restart 電腦，下次開機時 resume 得好快。
10) AirDrop 暫時未有機會同 Mac 友試......
11) 九方今次唔需要購買 upgrade 版，可以直接 upgrade。
用多一排再出意見。歡迎大家分享。
部份 App support full screen 之後可以左拉右拉，好正好方便～～ 我暫時試過 iPhoto 行 full screen，幾好用，不過以 iMac 嚟講，有 d 太大感覺。Full screen 應該響 Macbook 上使用會適合 d。 關機時有項叫登入後重新登入視窗其實係咩黎?次次都問我一次 應該係 "Resume" 呢個新功能。 10.7 good good good
頁:
[1]