2004年4月27日 粉嶺運動場 -- 對裕新仕勤 (聯賽)
比賽日期27/4/2004 對手裕新仕勤 地點粉嶺運動場 比數1:0 己隊入球者Alex比賽精華一早齊人. 軍心大震, 努力防守, 突襲回報 紅／黃牌Dicky及阿贊 最佳球員Alex -- 飛人式頂入
出場陣容:
守門員 : Homan
後衛 (左至右) : 陳骨, 阿正, 阿昌, 阿細
中場 : 阿榮, 阿邦, Ray, Dicky
前鋒 : 阿池, Alex
後備 : 阿骨, 阿Ken, 阿Sam, 阿狗, 陳明, 琦仔, Benny 寄件者： http://sc.groups.msn.com/themes/R9c/pby/img/cmd/cool_global_nick.gifhttp://sc.groups.msn.com/img/R9c/c.gif十六號仔Homan傳送時間： 28/4/2004 1:36今場都算係榜首大戰，兩隊只要分到勝負，都可以o向積分榜上領先對手。上半場兩隊合演一場快上快落o既比賽。裕新仕勤多次利用前鋒快馬中路殺入禁區，左路七號仔亦都表現活躍。好在GD整體發揮不俗，多次將對手o既攻勢瓦解。裕新仕勤上半場最有威脅o既一次，係前鋒三寸釘於左路突破，窄位近門狂抽先中守門員再中柱彈出。而GD亦有不少具威脅o既反擊，但係都無功而還。相方互無紀錄完上半場。
下半場GD以阿ken及阿贊入替阿政同埋阿池。兩人下半場表現可人，其中阿贊o既高速快放梗加令對方後防疲於奔命。下半場中段，阿贊右路沉底傳中，Alex於六碼區正中有如飛將軍從天而降銅頭一鑿搞掂！
及後對方加強攻力，但係多次埋門都過唔到GD密不透風o既後防；中後段阿邦角球插水頭搥解圍不遠，裕新仕勤前鋒三次補射都只係省中GDo既血肉長城。及後對方20號火燥王先因出口鬧球証領一黃牌；再o向不久之後因為一次粗野攔截兩黃一紅離場。之後GD keeper Homan於禁區邊接球被旁証判手部觸球時已經出界，對方禁區邊沿有一個黃金機會，可惜一個軟弱無力的笠射被Homan輕鬆接著。結果，GD亦以一比零擊敗對手，o向聯賽榜以一分力壓第二名o既裕新仕勤領先。聯賽仲有兩場，GD各兄弟如果想一嚐聯賽冠軍o既滋味，就要o向餘上兩場全取六分，咁冠軍寶座就手到拿來啦！
今場整隊發揮出色，如果真係要選MVP都幾難，要選我會選Alex，因為果球o向我呢邊睇，真係飛得好高頂入我地唯一o既致勝入球，而且Alex全場拚博之餘今仗又無多餘犯規，所以我選佢！http://sc.groups.msn.com/themes/R9c/pby/img/emoticons/emthup.gif
寄件者： http://sc.groups.msn.com/themes/R9c/pby/img/cmd/cool_global_nick.gifhttp://sc.groups.msn.com/img/R9c/c.gif005ching傳送時間： 28/4/2004 23:07無論有無到場或無出場的隊員只要我們保持團結一致及早到齊人一定能夠打敗茅柴孖寶(科域同飛鏢會)
頁:
[1]