東北縱走 2011 -- 陪行
上年我單拖參加東北縱走，發現路線有趣，年年唔同，而且路經地方風景優美 (部分接近地質公園)今屆我+老婆+Hawaiiandaily+表妹，另加兩項鐵人季軍 Willy ，組成前所未有嘅超寬水平 (最強至最弱) 5 人參加體驗組 (23 km)。
預計係超慢行，加無限休息時間，目標係響大會清場前抵達終點。
當日有冇有興趣陪行？
路線如下：
烏蛟騰 →九擔租 → 下苗田 → 三椏涌 → 三椏村 → 荔枝窩 → 分水凹 → 山火瞭望台 → 鳳坑郊遊徑 → 鹿頸 → 七木橋 → 橫山腳上村 → 新娘潭 → 烏蛟騰 （全程共23 km）
詳情可參考官方網頁 http://nemm.hktraveler.com/route.aspx 你都係兩項鐵人季軍 今晚去咗簡介會，亦已幫各位隊員攞咗戰衣、水壺、地圖，另外 coupon 及止汗劑 (贈品)
請隊員留意：當日 8:30 am 開始登記，9:30am 起步。暫定響 7:30-7:45am 太和火車站某食肆集合，一路食早餐一路等，然後約 8:15am 響太和搭的士到起點。
午餐及下午茶將幫趁沿途士多 (有各式炒粉麵、豆腐花等鄉郊食品) ，不過都帶定以下品資：
Powergel / powerbar
水袋 (1L-2L) -- 沿途有水站及香蕉派
頭燈或電筒 -- 因為我地係超慢行，而日落大約 5:30pm，因此有可能要用頭燈
相機就建議一條友帶，以免攞太多部機
Walkie 我會帶一部，你有就帶埋，因為果度始終係東北迷宮。 本帖最後由 willywong 於 23-12-2010 01:06 AM 編輯
thanks
你用邊隻walkie?mo記轉channel定入channel果隻?mo記我有一隻,入channel我有一對 我係合法果種，用 credit card 積分換的 我同301小隊隊長(表妹)去在雪地三清山練習完返黎，日落前應該可以完成。希望唔會成為負累~
Mo記 Walkie 我地有轉channel果隻 ...... 回復 6# hawaiiandaily
放心，體驗組係預咗帶埋小朋友一齊行嘅，所以正常人有基本行山經驗就多數冇問題，何況我地唔係追時間。
你想體驗快 d 嘅，不如考慮吓參加環島行，暫時大笪地有四件參加 (兩件已報名，另外兩件唔知報咗未)；另外 Action Asia 響 2011 有五場越野賽，如無意外我會參加其中四場 (因其中一場撞正馬拉松)
頁:
[1]