10/10 Action Asia 2-Peak 賽後報告
今年第二年參加，人腳同上年完全唔同。<br><br>Kendall 賽前失踪，而 Homan 亦忙於搵錢，所以由 Loeiz 代跑。<br><br>今年睇嚟比上年多咗好多人。上年大約有 230 人左右，今年睇 entry list 已有超過 600 人報名，不過當日天氣陰沉 +落雨，所以實際睇落去起步時應該冇咁多人。<br><br>攝影師又係 AAE 新晉御用攝影師 Willy 及新晉攝影師 Jimmy。<br><br>今屆路線反方向，即係以東涌起步，沿棧道登至 360 轉彎位，後轉入彌勒山，至心經簡林 checkpoint。之後繼續上鳳凰山。沿鳳凰山下降至伯公㘭 checkpoint ，續上大東山，最後沿黃龍郊遊徑返回東涌，全程 21 km。<br><br>與上屆比較，今年多出 1 km，但多咗響邊就唔知？賽前諗住，今年調轉行，唔駛黃龍郊遊徑向上，諗住易 d ，不過響棧道行行吓先諗起，路線其實仲大鑊，因為由東涌海平面直上鳳凰山一口氣上九百幾米，然後先有得落斜，但落斜又係膝頭咁高嘅石級，然後上大東山時都係膝頭咁高嘅石級，至落黃龍郊遊徑一樣係膝頭咁高嘅石級。<br><br>而且鳳凰山及大東頂時都極大霧及有雨，雖然唔好似上屆咁熱，但路面濕滑，特別是從大東山落山時，到爛頭營時被濃霧深鎖，能見到只有約五米。至黃龍郊遊徑尾段 (接駁到馬路前一段大落級)，見到天嘅路係泥濘，見唔到天嘅係青苔，所以睇番 GPS log，呢段最後嘅大落斜嘅速度幾乎係全程最慢，比上斜還要慢。<br><br>相及到比賽時間後補，先來 GPS logger (唔知 Google Maps 有乜問題，顯示唔到高度及速度？)<br><br><br> <iframe width="750" height="550" frameborder="0" scrolling="no" marginheight="0" marginwidth="0" src="http://maps.google.com/maps/ms?ie=UTF8&hl=en&msa=0&msid=103763433201805364175.00049257fa3dc5f41b2cf&ll=22.267311,113.934659&spn=0.043132,0.053852&output=embed"></iframe><br /><small>View <a href="http://maps.google.com/maps/ms?ie=UTF8&hl=en&msa=0&msid=103763433201805364175.00049257fa3dc5f41b2cf&ll=22.267311,113.934659&spn=0.043132,0.053852&source=embed" style="color:#0000FF;text-align:left">AAE 2-Peaks 2010</a> in a larger map</small> 咁時間做唔做到上年果個？我昨天都有獨自練，見另文～
頁:
[1]