香港某上市公司對80後的招聘事宜
呢個係幾個月前嘅消息，發生響香港一間都十分具規模嘅上市公司，股票編號係頭果十個，名就唔方便開，想知就見面時私底下話你知。我有位親戚響呢間公司任 "稍為高層"，事緣係幾個月前 (其實係高鐵事件後至政改通過呢兩件事之間)，呢間公司最高層向下面 d"稍為高層" (dept head) 講 -- 只係以口頭講，冇出過任何正式及非正式 memo -- 依家開始，公司唔會請80後，大致情況係以下條件：
1) 80後男，一定唔請，連 interview 都唔駛；
2) 80後女，可以 interview ，但如果同時有 30 歲後嘅應徵者就先考慮 30 歲果位先，不輪男女；
3) 但如果真係冇合適，可考慮已婚應徵者 (當然又係女性優先)。
呢間公司嘅做法可以有 d 人會唔認同，但事有湊巧，唔知係咪有政治因素或者唔認同 80後嘅價值觀？ 政治就唔會啦。我估主要係以「一竹桿打一船人」方法去做個簡單filter...
可能之前有D 80後令佢有壞印象啦… 最新 update 係我依家任識果間機構，有位同事 (男) 想入呢間 "十分具規模嘅上市公司" ，佢 29 歲，send 咗幾個 post 都冇回音...... 不過佢雖然係 80後，但冇80後嘅思想。 咦。。。唔係T先生掛？ 回復 3# egg_studio
惟有叫佢等多一年再申請羅，到時30歲可能會有面試機會。 我同 T 先生除公事上外私底冇乜交往 其實唔係所有80後都咁廢既
最近我同幾個同學都有上市公司(國資公司/香港上市)出offer比我地..
不要太label 80後吧..70後.. 回復 7# hongdonald
唔好對號入座喇, 冇人講你, 只有自己講自己 {:2_137:} 回復 7# hongdonald
由高鐵事件開始，"80 後" 呢個名詞都係 80 後自己 label 出嚟。
你果幾位 80 後同學有 offer, 唔奇，$6000 請你都係一個 offer.
要自強，就要不息自強，知道嗎？ 本帖最後由 hongdonald 於 7-9-2010 01:09 PM 編輯
係我+我幾位80後同學,至於人工我自己覺得係合理水平..當然老闆認為你只係值6k,你又覺得ok咪去apply~
anyway,討論落下其實無咩意思,有一班人戀係覺得80後只係社會敗類..我就認為只係小部份..
我亦都唔怕講比你知邊間上市公司比offer我地(HSI:560),我相信人努力過後總會有人睇到.. 有一班人戀係覺得80後只係社會敗類..
我就認為只係小部份..
同理，我都覺得只有小部份人會覺得80後係社會敗類～
加上由此至終無人話過「80後係社會敗類」
大家don't too sensitive...
其實80後即係等於「30歲以下」，一直以來，各公司請人時都會考慮應徵者年齡，只係大家對XX後有個獨特感覺啫～ 我相信係聘請的職位及工種原因吧, 你有冇見時裝店請個三四十歲的sales, 同樣大公司都唔會請個廿幾歲大學剛畢業的人做行政管理的工作。 回復 10# hongdonald
請留意呢個 post 係講緊香港某間上市公司 (股票編號 1-10 其中一間) 落咗 order 唔會請 80 後，希望帶出討論吓呢 d 公司嘅政策，而雖然我冇開名，但以呢間公司嘅規模，佢呢個政策好大可能影響到成個社會。
但呢個 post 唔係睇小你閣下及你 d 同學，請勿對號入座，亦唔好吓吓都以為人地講緊你，出嚟社會做嘢要成熟 d ，唔好咁自卑，如果你真係認為 "我相信人努力過後總會有人睇到" 就應該唔會咁唔高興 。
另一個角度睇，如果 d 80 後識得實事求是，做嘢有 d 自信，思想水平高 d，又點會自封為 80 後，然後當其他人稱呼佢為 80 後就認為其他人覺得佢係 "係社會敗類" ??
頁:
[1]