6月5日青公飛BIKE 報告
是晚同ALEX 兄先係土瓜灣WAREHOUSE拎車,都係一貫既例行檢查.CHECK TIRE氣/快折/所有燈都有電等
7點半沿海皮方向進發,經太子道西,大角咀深旺道再入興華西街,入到去貨櫃碼頭後,D路亂過9彩,一個唔小心就會轉左入貨櫃場,途中ALEX 兄都要不停查GPS先可以確定路線,經過墳場後,見到海濱花園,ALEX兄因未食晚飯所以要祭五臟府,小弟獨自一人沿海旁(中間比食焦叫停:公園唔可以踩車)會合屯門車友朗.
係西鐵LIFT位同朗朗互相試試對方部車,飲水再吹水,ALEX兄來電,原來佢早已係公廁位等我地,三人以慢車前往巴士站正式開始今晚既青公飛BIKE.
成個星期無踩,一時技癢,發力向深井進發,部單車經過數次既FINE TUNE(包括單車本身同小弟既姿勢),感覺更易發力同舒服,而朗朗就跟隨小弟後面,ALEX兄可能掛住欣賞青馬大橋既夜景,慢碌而上.
到左深井7-11,各自補水,小休5分鐘後再出發,ALEX 兄帶頭,是晚交通唔算繁忙,係落斜某路段曾經有60KM/H,不過眼睛不好受.帶CON既小弟因風勢急勁,隻眼無哂淚水,睇來下次都要整番副RUDY PROJECT先得.
大約距離沙倉1KM,朗朗突然急尿,小弟教授毅行常用既招式"大蛇出動",對住個海放水既感覺應該唔錯!
再係沙倉小休5分鐘,驚見小弟做PART TIME個間公司既5.5 TRUCK,世界真細小.
入到黃金海岸交通開始繁忙,不過心中記住ALWAYS STAY LHS既法則,一般巴士同小巴佬都好禮讓.大約10點到達三聖,三人係7-11補水..
待續.. 支持後記，有相仲好！ 入南昌至葵芳條路, 只有直路一條, 有次四人行 Willy, 我, Alex 同 Hongdonald (樓主)有行過, 相信係通往荃灣最好行的一條路. 唔洗咁詳細既
大蛇出動可以收返{:2_140:} 改為「小蛇出洞」？ 不，係蚯蚓出洞
頁:
[1]