單車過件費用都唔平
我係屯門單車鋪過件, 費用$400, brake線轉波線共$350, 另外後軚見內皮, 又一對換咗, 想請教以下問題 :1) brake 用原裝合裝線, 有冇散線買, 個人覺得合裝線十分貴, 斷呎數計貴過電線(單車店老闆話冇散線).
2) Road Bike 外軚有分比賽及練習用, 大致有咩分別, 另外有咩品牌推薦? 我估你應該講緊 road bike......
1) 我唔太明乜嘢係 "原裝合裝線" ?? 你係咪指原裝一盒，例如 Shimano brake 線，一盒兩條，連線殼果隻？果 d 就百幾 - 2百幾蚊一盒，應該係叫石墨線。好處係阻力小好多，襟用，例如我架 road bike 都係用石墨線，條線仲係當年套 105 原裝，即係有 17 年。(雖然我都唔建議一套線用咁耐......而且我耐唔中會拆出嚟抹吓上上雪油)
平嘅可以買 "普通" Brake 線 -- 單車鋪會有一大筒，你要一條佢就響果筒度抽一條比你。果 d 平幾倍，係鋼線造，之後要另外再度長度配線殼。(你架 CAAD9 就要配線殼)
2) 有 d 人比賽會用原子呔，因為壓力高少少，但貴少少，而且要用番原子呔鈴，又要用膠水粘。依家有 d 碳刀鈴都一定要用原子呔，但好多單車鋪都冇原子呔賣 (同榮果 d 專做 road bike 當然有) 我都有一對原子呔鈴響屋企，你去交易區有相。原子呔爆咗就成條換，之後攞去單車鋪比人補 (又係要去同榮果 d 先有器材補 -- 如果你屋企有衣車都可以自己補) 所以平常踩冇乜必要都唔好搞。
近排我見有 d 單車鋪入咗 d Kenda 原子呔， $2XX 一條 (因為踩碳刀鈴果班老鬼有需求，不過有趣係，香討班車神可能太後生，所以冇乜講過)。如果你想感受吓，我可以借條鈴比你玩吓。
又毒吓你，速度 -- 原子呔 -- 快好多!!! 食力!!!! 呢隻 Jagwire brake 線同撥波線, 兩者粗幼不同, 每盒$160.
軚都係用返有內軚好, 有咩事都可即場補/換軚(我係軚師傅) {:2_137:} 呢隻冇用過，我係用Shimano 的
波線與brake 線係不同粗幼的
頁:
[1]