大圍名城 "一 Q 清袋"
大圍港鐵站上蓋物業 (其實係隔離) 我就覺得有 "燶" 味，原來本港某地產代理一樣係咁諗，叫大家入飛之餘，亦不忘大大隻字提醒投資風險今日生果報導，名城真係一如呢間地產代理所言「1Q清袋」，希望大笪地眾中產會員冇"賴"嘢。
節錄自蘋果日報 (5-3-2011)
長實採取變相減價策略促銷大圍盛薈，過去兩天進行第二輪銷售，昨推出 135伙發售，即晚沽清，令該盤過去一周累售 555伙。盛薈低價衝擊，打殘同系剛收樓的「姊妹盤」名城，二手陷入癱瘓，個別業主更劈價 100萬元，雖寧願平手離場，惟單位仍冇人吼。
發展商懶理政府辣招，趁樓市熾熱急急沽貨。長實以回贈樓價最高達 9.75%促銷的盛薈，連日來不斷加推，周一至周四先後推出 436伙，按照政府規定公佈價單後 3天發售的守則，長實昨可發售周二加推的 135伙，再度一晚沽清。其中，坐向西北兩批共 132伙單位，平均即供呎價 7801元及 7843元，維持原價。
同系剛收樓的名城，則在盛薈低價衝擊下，二手交投冷清。名城上月僅錄 2宗成交，均為明賺實蝕個案。如 5座低層北翼 A室， 901方呎，以 708萬元沽出，原業主去年 3月以 690.9萬元購入，賬面雖賺 17.1萬元，但扣除釐印費及佣金後，仍蝕約 16萬元。
市場指，個別業主心急出貨，索性在盛薈開價後減價 100萬元放盤，惟仍無人問津。單位為 1座中高層南翼 C室， 1273方呎，原以 1420萬元放售，減至 1320萬元，貼近購入價 1314萬元，呎價 1.04萬元，仍未賣出。該單位向東南，呎價逾 1萬元，雖然長實是次重點推售向西北 A及 B室，惟少量向西北單位，連同回贈優惠，仍平過二手約 5%，買家難免轉投一手市場。如最快今日可賣的 1座北翼 48樓 D室， 902方呎，向東南，即供呎價 9739元，若以最大回贈折扣 9.75%計算，呎價即 9496元，較二手價低出一截。二手業主難與一手貨拗手瓜，市場指，由於名城大批即供付款業主已上會，轉租機會大，或劈租求客；選用建築期付款買家，本月底到期收樓，不排除陸續有減價個案。 關鍵是骨牌效應會不會影響到整個新界南的樓價...
如果只是兩傍的中高價物業，對大部份的「中產」人仕影響仍然不大... 呢個「一Q清袋」盤同 Junk Bay 個日落康城都係炒家盤，大家位置都係報稱港鐵上蓋，但實際同車站有段距離 (我響我屋企行出去火車站都快過佢落樓下)，買嘅人好多都係響示範單位落訂，連實樓都未見過，一落訂就彈俾代理摸頂，所以對「中產」人仕 (用家) 又真係影響唔大，不過 d 國內同胞就大鑊 d。
反而「一Q清袋」附近果 d 廿幾年樓齡嘅 X 獅花園就係咁升。 回復 4# egg_studio
而家D樓盤好多都係咁...
將軍澳的"維記灣畔"遠果幾坐行去地鐵站要成十幾分鐘... 又要過幾十個實焦...
我都係比較鐘意單幢式，樓下就真係「樓下」 長實既售樓政策就係咁仆街，先以溢價發售第一輪放盤，之後就逐步以回贈等方式變相減價推售餘下既單位。 回復 6# Kendall_One
造勢囉…分分鐘第一輪好多都係「內部人士」認購添！ 所以都係華懋好......
頁:
[1]