殺出個程咬金 -- Harbeth C7ES-3
呢排不斷睇 CDP, 初期鎖定 Marantz SA15S2 同 Rega Apollo, 正當 Marantz 跑出之際又殺多隻 Denon DCD2010AE, 相信香港比較少人玩 Denon CDP (見討論區談論比較少), 經網友介紹係友誠 16/F 分別試聽 Marantz 及 Denon, Marantz 音場算闊樂器清晰人聲暖, 再比較 Denon 不得了, 音場闊一個碼極高分析力但人聲後少少整體感覺清爽細緻, 聽 Hotel California 木結他落 pick 聲都可清楚聽見, 全首歌感覺好舒服冇 Marantz 咁嘈, 回到現實 Marantz 及 Denon 價錢分別 $7800 同 $13800 差 $6k 認真人生交差點, 比多 $6k 後面條路易行d (係同行網友講), 另一方面同行網友建議換喇叭, 原因係喇叭 runin 時間比較耐......跟住的時間就是全職扒文, 喇叭品牌多如天上繁星, 各個品牌都有其支持者, 出名既 B&W JBL......, 玩 HiFi 令我學到一樣野就係唔好急, 因為閒閒地一件野要萬萬聲, 急就死快d, 唯有一邊扒文一邊去試聽, 睇到討論區話 B&W 好就去試聽, 聽過唔係我杯茶, 過程中開始學到少少自己要D乜, 因為冇一隻喇叭係全面, 只有根據自己所喜歡聽的歌再作選擇......
尋日下午約李版主去皇室堡試聽隻 ProAC D1, 呢隻係 ProAC 1SC 的後繼型號, 網上人人讚好, 入到毒氣室出聲想試 ProAC D1 個 sales 關閘, 少 d 心血都比佢嚇死, 心諗一定要鎮定, 一來冇帶 Cash, 二來李生係度 (呢個係我試野的慣性動作, 死唔止死我一個 Hahahaa~~), 第一首播交響樂細細個喇叭分析力高樂器定位準冇雜亂的感覺實屬難得, 身價兩萬果然有道理, 跟住要求播隻 Jazz, 一開聲口水聲清楚聽到, 不過男女合唱聲感覺較尖聽得唔係太高興, 揮手道別 sales 哥哥走人, 結論係 ProAC D1 有高分析力定位清晰會聽得好興奮但聽得耐會倦 (相信興奮狀態不能長期維持).
夜晚約咗 Alex 去旺角, 佢目的買 SB900, 我就去吸毒, 第一站友誠, 上到 13/F 目的是試 Harbeth (哈巴虎), 呢個品牌認真巴閉, 好多人講玩咗喇叭幾十年最後都要玩返 Harbeth, 而且英國 BBC 用喇叭, 一到步同 sales 講想試 Harbeth, 分別係 P3 同 C7, 果刻仲同 Alex 講試音位置不佳隔離就放緊5.1爆破聲, 點不知 sales 攞咗兩對喇叭入毒氣室招呼我地, 入到毒氣室關埋門個隔音相信個 sales 開槍造低我地出面都聽唔到, 不過經過上午既經驗而且今次有 Alex 係度我唔驚.......(食飯先待續) 講就話我唔驚, 其實驚到"尿直標", 既然入到毒氣室就預咗唔死都一身潺, 盡情去吸盡情享受吧, 叫 sales 播 Hotel California, 一出聲就感覺阿Don Henley 係面前用佢一把迷死人既豆沙喉唱 "Welcome to the Hotel California~~" 雖然係 Harbeth P3 喇叭仔但一 d 都唔失禮, 分析力高唔在講, 空間感音樂感充足, 以一個迷你喇叭仔有咁好既效果真係抵讚, 我可以講係"房內恩物", 試過 P3 後就叫 sales 換對 C7, 跟住有位"力男"搬支極重喇叭架入房(行到成隻蟹咁), 放好一對 C7 播 Hotel California, 吉他手第一野落手掃 chord 清脆利落, 完全感受到六條和弦於大氣間振動, 到落鼓果下低音潛而彈, 亦都感受到鼓皮的振動, 入到正歌我即刻想上前擁抱下阿Don Henley 並來個眼神交流(你把豆沙喉好X正), 講返 Harbeth C7 呢隻比起 P3 完全地秒殺, 三頻感覺去到盡, P3 聽起來就好似阿Don Henley 初出道有些少緊張唱得唔放, 而 C7 就感覺到阿Don Henley 施展渾身解數係面前高歌一曲, 好歌仔聽完就搵 d 九唔答八問題目的想甩身, 首先讚到 Harbeth 天上有地下無(呢杯確實係我杯茶), 再問 Harbeth 其他系列有乜唔同, 之後問過 sales 攞咗咭片以表尊重離開, 踏出門口果刻心諗冇血光之災實屬萬幸......
Harbeth C7 我愛你, 等我吧 {:2_137:} 禁用粗口，已修正！ 咁樣既話呢編文章已變得冇血冇肉 權宜之計，可以考慮下 set 閱讀權限咁可以容許有粗口，有建議可提出。 粗口去風水區/海洋區啦... 唯勸師兄一句一入"音"門深似海，一山還有一山高。
個人意見：有時音質方面好睇音牆，擺位、部機煲左幾耐及線的品質。 好多謝 hawaiiandaily 兄賜教, 確實 HiFi 野 A/B 比較一定奶硬野, 過去一星期買咗兩張宜家木櫈係屋企試過大執擺位, 確實令音質改善不少, 依家首要條件係擺位, 正游說老婆清除屋企部鋼琴放我既二奶 {:2_137:} 本帖最後由 hawaiiandaily 於 3-2-2010 05:31 PM 編輯
冇錯，如比較真你奶野，而且也很看個人口味。有如我老逗套夢組合我覺太柔，所以早年自資買 Marantz 500 黎玩就剛強好多，聽 Band / Metal / Rock 正爆！
講起音牆擺位，老逗就係為左音牆擺位搞到我 D 超合金要全數切離 :'( 換樓幫到你… {:2_137:}
頁:
[1]