Google Nexus One 被 DHL 老笠 + 個人經驗分享
睇過呢單新聞後，雖然 Google 未有任何回應，不過據我公司 (手表貿易) 經驗， d 客有得賠，但可能 d 客少響網上買嘢，連位律師鄧達明都唔清楚賠償程序 (請睇下文，但唔好盡信果位律師嗡果 d 嘢)。我公司寄貨去外國依家淨係用香港郵政，但以前有用 DHL (因為響旺角地鐵站有個服務站，近公司) 及 UPS ，但我地行內人都知 DHL 嘅失竊率係最高。其他人/公司就唔知，但我睇番以前 d record, DHL 寄外國嘅失竊率大約有 20%，即係寄 5 件就有一件冇咗。
咁點冇法呢？每次都係響外國出咗海關之後"消失" (從網上 tracking 睇到)，所以好明顯係 DHL 速遞仔自己人偷咗。
另一方面，對於任何失竊， DHL 只賠 US$100 (HK$750 <-- 佢個 rate 特別衰 d)比 sender (Google) 收件者係冇得賠。(因為我寄果 d 表最平都冇 US$100 咁平，所以另外會同一 d 專做珠寶手表嘅保險公司買足保險)
所以呢班 Nexus 苦主唯一可以做係向信用咭公司 file 個 dispute, 因為 DHL tracking 証明咗 mail lose / stolen, 所以信用咭公司極大機會會 cancel 整筆交易，簽咗嘅 $$$ 全數比買家。
而 Google 會選用 DHL 運 d 貴嘢，以行內人睇，一睇就知 Google 完全冇做網上生意嘅經驗。響美國，有好多間貨運公司專做 d 貴嘢貨運，雖然可能有 d 不為人知嘅商業因素，但 Google 用 DHL 真係好 X 笨。
所以，上網購物一定要搵 d 有信譽同有經驗嘅公司，例如我公司~~~(呢句就係本 post 嘅 main point) :victory:
節錄生果日報 31-1-2010
本月 5日 Google正式宣佈推出 Nexus One，並率先讓美國、英國、香港及新加坡四地居民網上訂購，每部價格 529美元（折合 4,126港元），海外買家需付約 28美元運費（折合 220港元）。美國地區由 Fedex負責寄送，其他地區則由 DHL負責。但近日不少人在網上討論區說，經網上訂購該電話後多日都未收到電話，透過網上追查 DHL貨品付運情況後才發現貨物抵港後被扣起，經查詢才知郵包內的電話不翼而飛。
本報近日接獲兩名本港 Nexus One買家投訴買機後出現上述情況。本月 21日訂購電話的蕭先生，等候數天仍未有貨物送抵，經追查後才知貨品在 25日運抵本港卻被扣起，向 DHL詢問後獲告知郵包在運抵香港後發現曾遭打開，內裏的電話不翼而飛，只剩下充電器等配件。他其後向 Google、 DHL及負責生產手機的 HTC要求跟進，甚至越洋致電 Google美國總公司，但一直沒人回覆如何處理。
另一買家譚先生則向本報表示，他於本月 17日訂貨後，在網上看到貨品已在 21號運至香港，但同樣被扣起，經向 DHL查詢後發現郵包內的電話同告「失蹤」。
作為全球互聯網搜尋器一哥的 Google，卻在運送電話時出現懷疑失竊令人對其大失信心，也令一眾買家擔驚受怕。律師鄧達明指，一般情況而言若在互聯網購物並付款後，貨物最終卻因失竊或損毀等問題未能送至買家手中，買方可直接向賣方追討，因為賣方理應承擔貨品在運送期間出現各種問題的損失風險。
律師鄧達明 : 以今次 Nexus One在運送期間出現懷疑失竊事件為例，由於是 Google負責運送貨品，故即使有可能是在運送期間出現盜竊問題而非在包裝時有遺漏，也要由 Google負責損失。鄧又指若 Google不肯向買家賠償或追補電話，買家有可能需要越洋聘請美國當地律師草擬索償申請書入稟當地法院，手續繁複，「但好似 Google咁大間公司，你有證有據之下唔會唔畀番錢或者部電話嘅」。 咁你公司做唔做代客bit嘢? 我張信用咭開唔到paypal, 成功買到就俾5%的服務費你:victory: 我都唔係做代客bit嘢，不過你想買嘢我可以幫你用 Paypal 比 $$$
頁:
[1]