入手 NAD355BEE + AE NEO 1
自從買咗MacBook, 買咗 iPod, 音樂經常伴我左右, 漸漸發覺開始跟音樂談戀愛.上星期到黃輝(AV魔皇)兄屋企將 iPod 波羅期間多手試下隻 AV Amp + KEF iQ3, 一聽之下不得了此刻心情簡直有點亢奮, 到試座地喇叭, 不得了雙眼有些反白身體起了反應, 返到屋企反應仍未消, 很明顯音樂毒發作.
其後不斷去討論區礸研, 亦有去鋪試聽, 花多眼亂仍未決定, 雖然只是看似簡單的兩聲道 Int Amp + Speaker, 不過兩樣物件配合下的化學作用對新手的小弟煩惱非常, 亦是樂趣所在, 再作細心研究玩 HiFi 不外乎考慮到地方, 資金同歌曲類型再作選擇, 300呎地方 + 約7000Budget + 雜食歌曲類型, 得出的配搭 <100 Watt Amp + 書架型喇叭.
因聽過黃輝隻 iQ3 所以暫時鎖定 KEF 喇叭, 而時代廣場有 KEF Showroom 就去試試, 哪裡配搭其代理的 Marantz PM7003 Int Amp + iQ30(新型號), 試聽 Susan Wong 及 Eagles 的 Hotel California 簡直印象難忘, 人聲柔和舒服,70Watt Amp 夠力水推低音出, 同 Sales 傾 Marantz 的特性中音厚聽人聲好選擇, 但黃輝兄卻感覺有點機械聲, 老兄高見但小弟已很滿意.
上網繼續找資料, 建議新手應從 NAD, Cambridge Audio, Creek 入手, 其後再請到黃輝兄出去旺角試機, 今次就試 Cambridge Audio 340A + iQ30, 聽過舒情慢歌要求加聽有鼓聲的歌點知 Sales 點咗隻太鼓比我, 完全唔啱聽再要求 Hotel California, 分析力提升但欠動態, 同 Sales 傾 CA 的特性是分析好但音薄, 小弟鍾情厚聲低音最好夠彈打到入心, CA 唔係我杯茶.
尋日黃輝提議去深水涉走返轉, 可惡間間都係二手舊機得過睇, 去到營記過 d 近街尾有間叫聯興的鋪裡面全部新品, 入到鋪牌子多選擇 Marantz, NAD, Cambridge Audio 都好齊, 仲有心儀的 KEF 喇叭呢, 睇咗一陣問咗兩問決定大膽一試, 今次試網上推介的 NAD(325BEE) 50W 加埋心儀的 KEF 不過得 iQ10(低30一個級別), 唔聽由自可, 嘩 NAD 真係冇介紹錯, 分析力好不特止仲要夠厚, 不過咁既配搭聽得出 d 人聲有點緊張, 意即是 Watt 數唔太夠聲有點谷出來, 再比較下 Marantz PM7003 + KEF iQ10, 雖然力水好咗 (70Watt) 但分析力明顯比下, 去到高中低頻全出時有 d 濛, 得出結果暫時鎖住 NAD Int Amp + KEF 喇叭.
經過痛苦又過引的網上搜尋, Int Amp 已決定 NAD, 不過喇叭仍未肯定, 因網上評論好壞參半心理有些動搖. 今日冬至難得放早, 再聯絡黃輝走轉深水涉, 其間 MSN 問及買 Amp 會否買大火數好 d, 魔鬼的黃輝答案是有錢旗艦級一步到位, 雖然高一級火數多兩千, 而言直覺話我知大火數不但好力, 分析力應該有所提升, 幾多? 耳聽為實. 到咗聯興今次抱住買的心態盡試, 問下 Sales 介紹書櫃喇叭, 其介紹 AE (Acoustic Energy) 分別二千至三千共三款選擇, 一開始 NAD355BEE + AE (2K款式), 一貫作風分析力高厚聲低, 再駁 KEF iQ10 高音較出, 跟住 AE (3K頭款式) 嘩不得了聲低厚油潤低音算彈, 再者 AE (3K中款式) 音箱內間開高低單元設計好但聽落怪怪, 再講今次由頭到尾用 NAD355BEE 試, 感覺配 AE NEO 1(3k頭款式) 最滿意接近自己想要的, 但總是想配 NAD325BEE 有否降級感覺, 駁好開聲不須多講, 感覺拉牛上樹高中低頻全打折扣, 比多兩千蚊超值.
再同 Sales 吹水講隻 AE NEO 1 係攞過 Best Buy, 個人感覺耳聽為實, 經過一輪兩聲道音響研習, 要試的一定 AB 一齊試, 否則冇比較雅蘭仕 (我個$160電腦喇叭) 都可以好牛B, 要知道要什麼再計算空間, Budget 及歌曲類型作選擇, 講多無謂, 有相有真相 {:2_137:}
回覆 1# c_Foo
我係音樂門外漢，唔可以比任何意見你。不過睇完此 post 後，深深佩服黃輝兄的落毒能力，而且 「一步到位」呢個消費概念可以拓展到不同領域，例如幾個月前我同 Willy 落毒去毒果條毒男買單車，都係 「一步到位」買架 Seven。以後響 Canon 區一見有人問 "買 7D 定 5D 好?" ，就答佢 「一步到位」買 1D 啦！ 相比起我呢套算係入門級玩具, 鬼叫自己姓周名叫"身痕"咩 {:2_137:} 「周身痕」利害！好彩小弟才疏學淺，3-4千一套家庭影院式已經拿來聽埋歌已經覺得夠到暈！ 「周身痕」利害！好彩小弟才疏學淺，3-4千一套家庭影院式已經拿來聽埋歌已經覺得夠到暈！ ...
Homan 發表於 23-12-2009 10:46 AM http://photomarket.hk/images/common/back.gif
咁快 d 嚟個 AB 比較, 到時包你即場暈倒, 身體立即產生反應 {:2_137:} 網上世界真係唏噓, 編開箱文放棄咗我的睡眠時間, 絞盡腦汁寫咗我成粒幾鐘, 開我最差果飯又寫字又貼圖, 回文只係小貓三兩, 唔支持我都支持下大笪地呀, 唔寫句子都回個字 "差" / "礸"呀, 係度唱獨腳戲好似成個傻佬係台上講笑話, 台下觀眾目無表情, 我都清楚不要問大笪地比到幾多我, 只管自己比到幾多大笪地, 不過眼見氣氛淡淡, 感覺不是味兒, 遊戲一齊玩先至好玩喔 C_FOO兄咁唏噓做乜？
你梗係想我地一齊入毒海可以一齊玩音響啦…
無計，有雞先有蛋…
無文章就無人入來睇/回POST，有文章才慢慢有人流…
好似我同egg_studio、ahtam都貼左n篇文章… 有原創有轉貼，都唔一定多人回。
只望慢慢累積文章才可以令大笪地越來越多人visit... 唏噓就梗啦! 我都係眼瞓發開口夢啫 {:2_137:} 慢慢來啦，大笪地起步比人遲，所以當然冇 d 大 forum 咁高人流，仍有改進空間。 回覆 1# c_Foo
周兄 : 我諗我都係時候準備點樣打咁大篇開箱文 :
Sharp AQUOS G77 52"
Denon AVR-4810
以上兩件野已經非常毒吧 ~~~~
再附上小玩具一件 :
快d入手, 我可以上嚟試機同影相.
嘩 ~~ 諗都未諗過既 52" 喔, 差 d 連兩隻眼都睇唔哂.
另外 iPhone 真牛B, 連天龍都 SELL 有 iPod 功能.
53"大電視加旗艦級 AV Amp 想殺死人咩, 記住留返個"皇后位"比我 {:2_137:} 小弟未有能力玩呢D野… 唯有當睇唔到… 我乜都睇唔到… 我乜都睇唔到…{:2_139:} 我都話我套係玩具嚟啦，黃生果 d 先係至極享受，睇到身體有反應就係呢 d。
記住留返個"皇后位"比我呀 ~~ 睇完 AV 彈波子 {:2_137:} 咩叫做「睇完 AV 彈波子 」？？{:2_138:} 得閒去左友站「AVBUZZ」睇左陣，都有人問「一萬蚊左右的2.1推介」
喇叭你可以睇下Ｂ＆Ｗ６８５就５千幾
６８６就４千頭或ＫＥＦｉＱ３Ｏ就３千到，
ＡＭＰ就ＭＡＲＡＮＴＺ及ＹＡＭＡＨＡ都係聽歌比較好的ＡＶＡＭＰ，
ＤＶＤ機就有啲過時啦，可以買部ＢＤ試下Ｐｉｏｎｅｅｒ２千幾都買到，
至於重低音就???
其實聽歌都唔太需要的，睇戲就有用啲囉！
到最後啲喇叭線就用啲廿紋呎內都○Ｋ夠，ＨＤＭＩ線正路可以叫佢送比你都得， 2.1就有SUBWOOFER，傾向於ＡＶ用途，我果套係2.0 (Int + Speaker)，專用作聽歌，以同等價錢當然專用的質素較高，我果套唔使一萬對於新手黎講算可以，但同樣價錢玩ＡＶ買2.1(技術層面多好多)，買三隻喇叭都唔夠，便何況加埋 Amp，仲要諗埋 BD/DVD 盆，一個 Double 都唔止。價錢先決遲早成頸血，浪費金錢同時間，成日心思思去升級，聽歌睇片冇哂 Mood {:2_137:} ~~
上網搵到 d 好野，Homan 啱你呀 http://digital.uwants.com/viewthread.php?tid=9169156
"睇完 AV 彈波子" 字面好簡單，首先做完睇ＡＶ的動作，跟住之後走埋一邊自己彈波子 {:2_137:} 2.1就有SUBWOOFER，傾向於ＡＶ用途，我果套係2.0 (Int + Speaker)，專用作聽歌，以同等價錢當然專用的質素 ...
c_Foo 發表於 24-12-2009 01:05 PM http://www.photomarket.hk/images/common/back.gif
睇完之後… 又對mushower 興趣重提… shit!!!! 忘不了... 忘不了... 忘不了 mushower ... 忘不了你的車 Homan 不如我讓部雅蘭仕比你，你配返個袋就OK，隻喇叭音質唔差，用四粒ＡＡ電就可推動，最大好處係幫你荷包活化 {:2_137:}
頁:
[1]
2