Road bike 遊村路（多圖）

egg_studio

近排練 road bike，踩咗公路一排，有啲悶，所以轉吓村路。

好多人錯覺，村路必須用 MTB，因為多沙石，其實好多村路「路況」比公路好（平、冇渠蓋、冇的士及貨櫃車）……加上之前有會員問路，於是分享一條 road bike + 原子呔踩到、捐窿捐罅嘅村路。


起步：上水丙崗，裏面有圍村（有興趣請爬舊 post）。


穿過狹窄村路。


經過一條 XC 路入口，不過踩 road bike，繼續行石屎路。（呢條路最後會駁番實驗農場，不過 road bike 真係有危險）


荒廢農田。


早前響探險版有啲人氣嘅「荒廢豬欄」-- 就嚟唔荒廢 -- 今日所見，已開始動工。


香港最危險地方之一：實驗農場。


響粉錦過馬路，踩之前介紹過嘅「溫馨」村路，經過有好多同名同姓嘅獅子亭。


向「溫馨」前進，係一段寫意林蔭路。


到達坑頭，地標之一：好有特色嘅村屋。


響坑頭住宅區穿梭後，過雙魚河，經好窄好多彎村路後，去到另一地標：越野電單車場及樹屋。


稍稍上斜，去到之前車友問路嘅麒麟山。


順便解答車友：若響軍營出，不走大路（古洞路），轉入村路的話，就會響 PCCW 的求救電話旁路口出嚟，接上麒麟山路。


天橋過 2 號幹線（粉嶺公路段），向落馬洲進發。


話明踩村路，所以不走落馬洲解禁禁區，經潘家村往洲頭村。呢條路大約踩十分鐘，但事實係「搵路嚟行」，若唔想兜遠路，可踩一小段青山公路，轉入洲頭，大約一分鐘多啲。


洲頭上山，去到人跡罕至嘅地方。


山坳風景位。


去到又係北區隱世勝景「晨運大草原」（為免此處重蹈坪輋「芒草」被龍友破壞，所以此處位置不公開，也免問）


山坳後，見越野車走線、大迷宮，原來係展能運動村。


又上山，經過馬草壟堆填區。


山頂見木欄，好有外國農場 feel 嘅火龍果園。


唯一要推車嘅地方 -- 幾十米樓梯。


一輪村路後，轉出大路，見羅湖練靶場。（另見馬草壟暗黑快走）


由馬草壟至落馬洲，再到羅湖火車站一段已經介紹好多次，不作重覆，有興趣請爬舊 post。


例牌景點：大水管。


之後沿梧桐河向東，轉入華山下路，經「虛白祖山界」返回上水。因為玩得手機味精 filter 多，冇電，請睇舊 post 夜遊華山探秘 -- 「虛白祖山界」，較光啲個 mon 就當日頭啦。

kingswoodkc

好正呀師兄！

kingswoodkc

請問，點解實驗農場是香港最危险地方之一？

egg_studio

因為H 乜N 乜嘅實驗室正響果處，萬一有意外，新洗牌冇抗體病毒多數響果度流出。（太多數喪屍戲劇情）

kingswoodkc

你唔講我都唔知

hnixonk

師兄你條route真係好正!