新年漫走 -- 屯門至上水「越野」單車徑 + 軍營 + 麒麟山

egg_studio

新年出車，目標係搵吓未去過嘅村路及搵小徑串連已知嘅路線。響大笪地「官方地圖」搵到一條「越野單車徑」。大年初一去搵過，但搵唔到入口。今日從「出口」搵番轉頭，終於入到呢條好 XC 嘅單車徑。

從單車徑兩旁樹木嘅標籤睇到，係屬於樓梯響聲都未有嘅新界超級單車徑元朗至上水段（標籤上有工程計劃編號及標示屯門至上水單車徑），不過翻查 2007 及 2009 土木工程署文件，及 2013 年立法局財務委員會申請撥款文件，呢條「越野單車徑」唔響文件嘅地圖內，十分離奇。（換言之，若跟住文件入面嘅附件地圖，冇可能搵到）


「出口」-- 從元朗方向往上水。


好靚嘅 XC 路 -- 好難想象會點樣興建為單車徑？


事實上，翻查大笪地「官方地圖」，響 1993 年嘅版本上，搵到呢條路，當時用途估計係興建公路時用嚟運送物資嘅 service road。


土木工程署嘅標籤。


不過越行越窄，漸漸走入鄉間。


出口原來響人地屋企後門，唔怪得第一次搵唔到！


之後繼續穿村路，去到「例牌」景點 -- 新田解放軍軍營外「觀景台」，一覽新田鄉郊景色。右邊係稍後會上嘅麒麟山。


至於呢度又係邊，要去探險版先有講。（請睇探險版）


繼續去到舊英軍軍人操場。據大笪地「官方地圖」記載，呢個操場響 1963 年已經存在。


之後踩上山，踩上唔算高嘅麒麟山。山上有不少「拜山路」，所以唔算太難踩，亦冇乜樓梯。


麒麟山下風光。


麒麟山下風光 II -- 左邊一堆屋係坑頭大布，右邊遠處係版主屋企。


繼續落山，山路出口係水務處鄉村食水池。


之後繼續落山，出閘，接回麒麟村，之後踩平日嘅鄉路回市區下午茶。




以上兩張附件地圖分別係 2009 及 2013 年「超級單車徑」路線，不過上面果條 XC 路不在地圖內。

egg_studio

kingswoodkc 發表於 7-5-2015 11:04 PM
Hello 師兄,

本人居於天水圍, 本人及其他車友對這條「越野」單車徑 + 軍營 + 麒麟山路線十分感興趣, 幾位 ...

其實所謂「越野」單車徑非常難搵，我住響果頭就嚟半個世紀都唔知……

如果你響天水圍踩過嚟，過錦繡花園後，取新潭路（不要走青公），去到差唔多接番青公前會有右轉路口。果條路冇名，「越野」單車徑入口就響冇名路前十幾米嘅樹林 -- 非常隱蔽，而出口就響一間荒廢村屋後欄。入到村屋後欄，左轉，沿鐵絲網下斜，就會出番大路。（睇多次我啲相，到時認番環境）

大路轉左，經過十字路口，就駁石湖圍路（睇路牌）。

沿石湖圍路，可通往軍營，呢段路好多分支，但響 Google Map 可搵到。若你玩山，可能會發現一個天平山咁大嘅「XC 拜山場」（我個 post 冇提），春秋兩祭以外日子可以入去玩吓。

至於麒麟山路線，當出咗軍營後，唔好踩出古洞路（一般車手 99% 會直出古洞路）。留意出古洞路前有一條小車路，入鹿尾村。一直踩，小車路會變小村路（車唔夠過，只夠人行），一直行，去到尾。當差唔多見到排洪渠前，左轉好爛嘅泥路，經過一幢廢棄貨倉，然後一條導致你炒車嘅水管，就會接上排洪渠。之後過橋去排洪渠另一面，穿過人地屋企後欄停車場就可駁番麒麟山路（紅字：呢段十分複雜，好難用言語解釋）-- 千萬不要跟排洪渠，否則你會出番古洞路。

入到麒麟山路就有幾條支路，可以去到好多地方。

搵唔到再回覆。

DominicNg@G

egg_studio 發表於 23-7-2018 10:00 PM
開乜鬼？原本「越野版」單車徑正興建為石屎「平地版」單車徑，等一兩年通車時先去啦。依家可以踩住附近嘅 ...

轆這條單車徑興趣不大，如果轆佢只因最快及安全到達元朗。

睇返粉嶺往大埔這條單車徑，係多人轆，但遠遠不及大埔至沙田/大尾督，等到上水至元朗打通後，相信亦不會多人使用。

egg_studio

DominicNg@G 發表於 26-7-2018 04:58 PM
轆這條單車徑興趣不大，如果轆佢只因最快及安全到達元朗。

睇返粉嶺往大埔這條單車徑，係多人轆，但遠遠 ...

我同意，始終沙田至大埔係一氣呵成單車徑 + 風景靚，反而大埔至上水斷斷續續……我留意上水至元朗段，雖然未起好，但知道同樣斷斷續續，多次穿插新田公路及青山公路左右線。

kingswoodkc

Hello 師兄,

本人居於天水圍, 本人及其他車友對這條「越野」單車徑 + 軍營 + 麒麟山路線十分感興趣, 幾位車友也間中會踩軍營, 但對其餘2部份卻毫無頭緒!

可否賜教小弟, 「越野」單車徑 及 麒麟山山路 的出口及入口在那裡? 因我研究了一段時間也找不出來, 謝謝!

KC

kingswoodkc

師兄,

解釋得好詳細, 大概知點行, 謝謝師兄!

可能今個星期日去睇下!

THANKS AGAIN!

KC

kingswoodkc

師兄,

想問在圖中分叉沿紅線踩上山, 山上的路是否適合踩車?

KC

egg_studio

圖中地區正正係上文嘅「一個天平山咁大嘅「XC 拜山場」」。你踩得掂天平山，呢度應該冇乜問題，只係野草多好多。（我新年去過，經過清明後情況就唔清楚）

kingswoodkc

謝謝師兄!

kingswoodkc

今日去左'越野'單車徑，個後欄閘已经被移除，出入都好方便。反而個XC拜山建了一個大閘，不過沒有上鎖，但旁边豎立了'私人地方，不准進入'的告示。我們照入，入到去仍然很多野草，因地面太濕，我們直踩去到另一邊出蕃去。之後下微雨，我們便打道回府，下次先去麒麟山路。

egg_studio

kingswoodkc 發表於 10-5-2015 06:17 PM
今日去左'越野'單車徑，個後欄閘已经被移除，出入都好方便。反而個XC拜山建了一個大閘，不過沒有上鎖，但旁 ...

咁過幾日都去睇睇乜情況先。

Homan

有機會都要來操操

kingswoodkc

有個車友指，過左新田球場後，會有另一條竹林XC路

egg_studio

應該係同一條。你有冇留意當差唔多去到廢屋後欄時，有一條分叉路向右，果條路就係出番新田球場。如果你唔係講呢條，咁就值得去探探。

kingswoodkc

應該唔係同一條, 以下由車友阿偉提供的照片:

kingswoodkc

egg_studio 發表於 11-5-2015 01:45 PM
應該係同一條。你有冇留意當差唔多去到廢屋後欄時，有一條分叉路向右，果條路就係出番新田球場。如果你唔係 ...

我地昨天應該係行左出新田球場果個出口, 我們誤以為果個出口就等於人地後欄

egg_studio

睇個路牌就知係越野單車徑！

睇番「官方地圖」，有記載呢條竹林越野路：



既然有相，搵日去竹林路及拜山 XC 場 update 一吓大家！

kingswoodkc

o甘就要麻烦師兄，不過都要等好天及地乾

egg_studio

近日坐車經過，見到單車徑有工人開工了，入口有政府工程人員做緊嘢。

kingswoodkc

呢篇報導係未講緊呢條" 屯門至上水「越野」單車徑 "?

http://hk.on.cc/hk/bkn/cnt/news/ ... 0210_00822_001.html

egg_studio

係~~ 其實呢條單車徑響好多年前所有樹木都已 mark 咗編號，我都有影過相出嚟。

egg_studio

此外，呢個 post 係 2 年前寫，當時我話

事實上，翻查大笪地「官方地圖」，響 1993 年嘅版本上，搵到呢條路，當時用途估計係興建公路時用嚟運送物資嘅 service road。

前排我問過本地人，原來唔係 service road，係未起高速公路前嘅「鄉郊馬路」，我有機會會查查舊地圖睇吓係咪真？