換 brake 油教學

egg_studio

大笪地某版主嘅 MT bike 炒車後，前 brake 不能操作，症狀係拉 brake 時感覺到沒有壓力，而 brake 皮未有操作，結果就係停唔到車。

呢個情況有可能係因炒車炒爆油喉或 brake 本身，但初部用眼去睇，見唔到有漏油痕跡，但確實從拉 brake 知道，油喉應該冇油。

除咗買套新 brake 外，可以嘗試放氣及加油。

MT bike 嘅油 brake 結構同私家車嘅 brake 原理差唔多，而單車及私家車都應該用咗一段特定時間後換 brake 油。例如版主呢套 brake，用嘅係 DOT3 或 DOT4 油，正係大部分私家車使用嘅。因此，大家可直接到汽車用品鋪購買。若然錢多，可幫趁單車鋪，購買所謂單車用 DOT 油，至於有冇需要及值唔值，就見人見智了。



其實一般單車鋪都係用汽車果 d ，因為 DOT 本身已經係一個 standard，其實冇再分為汽車 DOT 及單車 DOT。

但有 d brake 不可用 DOT 油，一定要用礦物油 mineral oil（例如某日本牌子），咁呢 d case 就要幫趁單車鋪買單車用嘅礦物油了。至於礦物油及 DOT 有何分別？本教學不探討，大家可以上網搵或另開 post 研究。



將 brake  level 調至水平，打開油壼。



打開後，見 brake 油 level 已得番一半，明顯 brake 油不足。

Brake 側邊有一個 valve ，用 8mm 卜頭扭開後，正常會有油漏出。但扭開冇油，估計由於油喉有空氣。



為方便工作，將 brake 拆出嚟。記得放入塾片，以免 brake 皮夾埋後彈唔番開。



首先拉住 brake level，讓油因地心吸力向下流，所以有油開始從 valve 滴出。



響油壼慢慢倒入 DOT 油，不斷輕輕收放收放收放 brake level，切忌快及大力，否則 DOT 油會淺到四圍都係。同時輕輕敲打油喉，令裡面空氣溢出。

直至 valve 有油漏出，表示油喉差唔多滿油，就要做另一個重要步驟 -- 放氣。

由於放氣時需兩個人，因此冇人影相，結果就係大家請睇文字，真係唔明就搵 YouTube，或回 post 查明。

放氣目的係將整個 brake 系統內之空氣放走。

• 先將 valve 扭實，然後拉住 brake level，再將 value 扭開少少，直至有 brake 油漏出，同時 brake level 會再降低少少。
• 將 valve 扭實，慢慢放開 brake level，留意 oil level 會下降，必須同時倒油入油壺，否則一乾塘，空氣就會由油壺入埋去，又要重新搞過。
  

重覆 (1) (2) 步驟，直至冇空氣響 valve 溢出，同時 brake level 拉住時感覺扎實。

為安全起見，響平路慢速試一試係咪真係可以停車先~~~

若大家有上網研究，應該見另一種方法，大概係用一條膠喉連接 brake 本身及一個針筒。呢個亦係方法之一，而且放氣會放得更快，不過由於版主突然到訪，我冇膠喉及針筒，所以要用呢個麻煩少少嘅方法。若其他會員下次有幸炒車，會教大家用膠喉及針筒方法修理。（而膠喉及針筒另一個優點，係一個人搞掂，所以會有人可以影相。）

以上教學僅為參考，因每款 brake 結構有少少不同，例如有 d 款式嘅 valve 設於 level 上，或 brake 及 level 都有。因此，除非認識 brake 嘅結構及原理，否則切勿亂試，應該去單車鋪維修，或買過套新 d 同貴 d 嘅 brake。

ymk

好深 ~ ~", 我D錢都係要比人賺..

hawaiiandaily

brake 塾片那裡有得賣？老闆娘報稱要一 set 才有又冇講一 set 乜野

egg_studio

brake 塾片 求其搵張紙皮就得