靚景！牛潭尾軍路黃昏遊

egg_studio

新界北區有五條舊軍用山路（九龍坑、牛牯嶺、華山、牛潭尾、紅花嶺），其中牛潭尾最少人跡，原因大概係山路頭尾都唔通 -- 山腳係牛潭尾軍營，不可由山腳上；山路另一端係「山卡啦」山坳，汽車去唔到、單車有難度，所以人跡罕至。

平日日頭去得多，下午見天未黑，快走一轉軍路，睇吓日落景色。


先從長瀝轉入 MX Club 方向，左側是蕉徑「大平原」。


然後係龍潭觀音廟。


天后廟側有一小徑，會見到一個舊式公廁 -- 呢種鄉郊公廁越嚟越少，一啲好「山卡啦」地方嘅公廁都改建咗，買少見少 lu。


經過一輪半踩半抬之後，進入密林路。


密林路驟眼望落去啱啱夠一架車通過，不過見事實係，山下係越野電單車場，越野電單車都夠行到。



出密林，就係山路末端，山路繼續向上。


上到約 190 米，向後望見到山路末端，即係白色建築物 -- 電視訊號站。


開始下山，山下係牛潭尾。


夕陽下可見元朗嘅建築物。


軍路另一端係牛潭尾軍營，不可進入。


軍營附近有 downhill 路，係俾越野電單車玩，XC 單車勉強可行。


Downhill 路接入神秘越野電單車場。

日落前啱啱夠時間遊走舊軍路，之後踩入牛潭尾軍營（記得帶身分證），天黑前就返到屋企。