第三階段禁區開放 -- 單車路線前瞻及介紹

egg_studio

第三階段禁區開放將於 2016 年 1 月 4 日實行，屆時新界北蓮麻坑、打鼓嶺、文錦渡至梧桐河一帶禁區將會開放，不少地方可供單車遊走。

禁區雖仍是禁區，但大笪地早前已搞過幾次合法的單車遊及考察活動，加上當地居民介紹，在禁區開放前介紹及回顧一下幾條精選路線。（稍後，熱門內容「香港越野單車路線一覽表（非官方，但合法路線）」將會更新，過去視為非法路線的路線會公開，請不時留意本網站。）

紅花嶺環山遊：
從紅花嶺軍路上紅花嶺（不是紅花嶺路！），經 XC 下山路往蓮麻坑村，有時間可加遊蓮麻坑礦洞（不可進入礦洞！）。蓮麻坑村有幾處古蹟，例如蓮麻坑國際橋、葉定仕故居等值得一看。沿村路堆填區方向，經村路往黃茅坑山或打鼓嶺村。

注意：此路線不建議反方向行，因為紅花嶺下山路段為 XC 下山路，逆走約有 95% 要推車。

相關內容：雨中遊蓮麻坑礦場

坪輋至文錦渡：
現有路線有兩條，分別是經缸瓦甫路（恐龍坑），依現有邊界線馬路往上水；或經華山軍路。禁區開放後，第三條路線沿現有坪輋直入，左轉蓮麻坑路，沿邊界鐵絲網往文錦渡。若想踩村路，可從缸瓦甫路轉老鼠嶺，經過幾幢雖然未去到第 x 級歷史建築、但同樣好看嘅大宅後，接上蓮麻坑路，直出文錦渡。


葉定仕故居（相片由探險版版主 12pt 提供）

Eyeearmouthnose

請問解禁後可否由沙頭角經蓮麻坑路到羅湖呢?

egg_studio

Eyeearmouthnose 發表於 6-11-2015 11:27 AM
請問解禁後可否由沙頭角經蓮麻坑路到羅湖呢?

從手頭上嘅資料得知，沙頭角至蓮麻坑村一段鐵絲網路（邊界巡邏馬路）因為太貼近邊界，所以不會開放。換言之，如我上面所述，要去蓮麻坑村，只可以從打鼓嶺經鐵絲網路（蓮麻坑路）或紅花嶺山路前往。

其實，仲有一條小村路，繞過堆填區，但我冇行過。要問問探險版版主，佢行過。

Eyeearmouthnose

Thx蛋兄

egg_studio

到時開放應該有好多人想搵我又搞團去，有興趣可一齊。