日本防空洞導賞團（多圖）

egg_studio

早前去過德國、國內及本港嘅防空洞，日本可能因為經濟唔好，所以當地旅遊局同一間大學搞咗一次「試水溫」式「導賞團」，「有限度」開放咗一個位於日本某城市嘅防空洞，報名踴躍就希望會搞下一輪。報名大約為番港紙 $65，前後搞咗 5 團。當時一開放報名，半日就滿額。

咁又睇睇日本同香港見慣果啲防空洞有乜唔同！？


一入去，已經覺得同香港及國內果啲防空洞有好大分別 -- 冇積水，好通風（涼爽），衛生情況良好，可能開放前已經大執一輪。


地下鋪埋水泥，真係可以踩單車！


行咗大約幾百米，水泥冇曬，變番「原裝」環境。


之後上咗一層，有幾條分岔路。因為要跟導遊，想走吓其他路都唔得。


又一個分岔路。


導遊話，防空洞分三部分，近門口部分（即係鋪咗水泥果度）將來可能會改為遊客中心及 gift shop；「原裝」部分會保留原貌；第三部分……請繼續睇。


當地蝙蝠同香港有冇唔同？（請生物專家解答）


大部分防空洞及礦洞都大同小異，例牌一定有嘅「鐘乳」。


上有形成中嘅鐘乳，地下有剛「出世」嘅。


去到第三部分，係興建中嘅通道。導遊話，未起好就打輸仗，所以……


好似香港馬礦咁……


回頭望，見新舊部分連接位置。

kaiboy123

好正啊！樓主點知日本有搞呢d團架？

ShingWong@G

有某部份好似香港的防空洞

ShingWong@G

頂部預制組件相似

野孩子

真係大開眼界。

qeiihill

多謝師兄分享