645廢墟世界

hawaiiandaily

回用菲林影相，但菲林 scan 後這是否又變成了數碼相呢 ...... 突然腦海出現了這個問題

egg_studio

菲林 scan 後不等於數碼相。

情況係，你必須 scan / 用數碼機翻拍一張相（不論係彩色 or 黑白）先可以 post 上大笪地，所以 "scan" 只係一個表達作品嘅動作，好似攝影展時要將照片掛響牆上。照片嘅內容及作者嘅意念唔會因為 scan 呢個動作有變化。

但若 scan 完張相，之後做「後期」、加龍友/新手/低手最愛嘅水印，咁就會改變咗原來張相。

咁另一個考量係，無論你個 scanner 幾勁，scan 完出嚟冇可能同原相一樣，呢個牽涉自然現象嘅情況，響一般學術界/藝術界入面係可以接受，例子係某某出版社出版嘅畫冊/攝影集印刷時都冇可能 100% 還原原畫 / 原相嘅顏色，但唔會因為咁而影響到原畫 / 原相嘅水準。（當然，如果偏晒色走晒位則另作別論）

所以，若你真係重視 scan 完相片未能表達原相的話，解決方法就係開一個攝影展，展出原相。

Homan

egg_studio 發表於 8-7-2013 08:32 PM
菲林 scan 後不等於數碼相。

情況係，你必須 scan / 用數碼機翻拍一張相（不論係彩色 or 黑白）先可以 pos ...

睇得出你對水印／簽名不認同，對嗎？

我也不讚成在展出作品時有太大的水印（宣傳除外）
那在 corner 位的簽名呢？
我見到有些相片展在右下角會有簽名

另外，中國山水字畫，簽名／蓋章是作品的一部份，你又點睇？

egg_studio

Homan 發表於 9-7-2013 03:17 PM
睇得出你對水印／簽名不認同，對嗎？

我也不讚成在展出作品時有太大的水印（宣傳除外）

對，若你參觀攝影展或畫展，相片的主題、作者和作品解說會另外以一張卡片展示，不會有人打落去相片上。繪畫就只有簽名。

但，近年所見，香港有一批不學無術嘅二打六攝影師，開班教人加水印，但冇教學生如何考慮水印的意義、對構圖和意境嘅影響。另外有 d 就認為加咗水印就表示有版權，呢 d 係完全唔理解香港版權條例嘅無知行為。呢 d 「水印相」，講得實際 d ，就算影得幾好，冇可能出得攝影展，亦唔會有攝影展願意展示呢 d 相。

中國畫方面，情況完全不同。中國畫的印章、提字是畫的一部分。作者提字及蓋印時要考慮提字及蓋印與畫面構圖及意境（西洋繪畫的簽名則不會考慮意境，只考慮位置和顏色）。

而且，中國畫的傳統是，當一張畫轉手時，新的擁有者「興起」時會在畫上提字和蓋印，或者原作者某段時間後「興起」又會提字和蓋印，所以，研究中國畫時，往往會發現一張畫上有幾個朝代的提字和不知乜水之蓋印。

willywong

中國山水字畫中的提字及印章,與相片的水印不可以相題並論.原因是文化及歷史背景大大不同.eggstudio在上題也作舉例.
原本相片的水印作用,小弟看法是給現代有些不明解的攝影愛好者已當作自己宣傳作用及曲解.最近我也見過某些攝影愛好者用QR code作為所謂水印,我看法這是平面設計宣傳一小部份.
其實想加入水印,下一次可在相片外圍加多一些白位及在右下方打入自己名字便可.

egg_studio

如果用 QR，放上網根本冇意義，做條 mouse click 已經搞掂。

若作為平面設計，咁張相已經係平面設計嘅一部分，所以已經唔係水印嘅範疇。

至於留白邊加水印、簽名、EXIF、email、WWW 等，呢個不失為勉強但不正統做法，而且據我所見所聞，有 d 二打六攝影師叫 d 學員千祈唔好咁做，因為人地 copy 你張相時只要 crop 走白邊就搞掂，因此，個 d 新手會將水印打響相中間或者唔會咁容易 crop 走嘅地方。

呢張就係以二打六攝影師嘅「專業知識」做嘅作品，係咪好見慣見熟呢？基本上防盜能力十足，要 crop 都唔知點 crop！死未！

egg_studio

個 QR 真係用得，大家不妨試試。

hawaiiandaily

個 QR 咁 Q 大破壞成張相！其實 D 人又要 post 張相又要怕比人偷好 on 9 ~ 其實宿細 D 相先 post 已經達防偷效果，要比賽既相大多都要 send 原 size 啦。整到咁點欣賞呢？

egg_studio

hawaiiandaily 發表於 11-7-2013 11:40 PM
個 QR 咁 Q 大破壞成張相！其實 D 人又要 post 張相又要怕比人偷好 on 9 ~ 其實宿細 D 相先 post 已經達防 ...

冇錯，所以我先整呢個例子，希望d二打六攝影師開班授徒時有機會睇到呢個post。

而且，請留意，我d字冇遮住沙灘上果條友，而QR及所有字體都冇對構圖產生破壞，例如海浪嘅流動動態、沙嘅質感、畫面連貫性及照片故事性都完全冇被字體切斷。